Babes-neurri gehigarri bat da. Orain arte lau digituko PIN kode bat baldin bazenuen eta aldatzea erabakitzen baldin baduzu edo hura berreskuratzeko premia baldin baduzu, PIN berria dagoeneko sei digitukoa izango da. Gogoan izan, PIN kode honekin banku elektronikoan, banku mugikorrean, telefono bidezko bankuan eta ABANCA Pay aplikazioan sartu ahal izango zarela.

Internet bidez eragiketak egitea (erosketak, kontsultak, ordainagirien ordainketa, etab.) gero eta ohikoagoa da, eta gero eta seguruagoa! Aholku zenbait ematen dizkizugu banku elektronikoa erabiltzeko segurtasun-gidan.

Zure banku elektronikora sartzeko zure erabiltzailea zure IFZ edo AIZ zenbakia da, hizkia adierazita. Gogoan izan beti 8 digitu + hizkia idatzi behar direla teklatu bidez, ezkerrera dituzun zeroak barne. Adibidez: 00123456A.

IFZ edo AIZ zenbakirik ez baldin baduzu, zure erabiltzaile-kodea urruneko bankuko kontratuko zenbakia izango da. Zure banku elektronikoan sartzeko, erabiltzaile hori eta PIN bat erabili behar dituzu. 

PIN kodea 4 edo 6 zifra dituen ezkutuko zenbaki bat da. PIN kodea gogoratzen ez baldin baduzu, berri bat eska dezakezu banku elektronikora sartzeko orrialdetik edo zure mugikorreko aplikazioan. Zenbait datu eskatuko dizkizugu PIN berria eskuratzeko.

Noski, sartzeko urruneko bankuko gure zerbitzuak kontratatuta izan behar dituzu (banku elektronikoa, banku mugikorra eta telefono bidezko bankua). Beraz, oraindik ez baldin baduzu halakorik edo sartzeko gakorik ez baldin baduzu, zuzenean eska ditzakezu webgune honetan. Kontratazioa online egin dezakezu osorik modu azkar eta errazean.

Edozein lekutan konekta zaitezke ABANCAKO urruneko bankura, Espainian nahiz atzerrian. Horretarako, hiru aukera dituzu:

• Zure mugikor edo tabletan ABANCAKO banku mugikorreko aplikazioa instalatuz sistema hauentzat: Android eta iOS.
• ‘Bezeroaren eremuan’ sartuz abanca.com webguneko goialdean
• Edo telefono bidezko bankuz, zure gakoekin eta 981 179 600 telefono-zenbakira deituz(edo +34 981 179 600 telefono-zenbakira atzerritik deitzen baldin badiguzu)

Hauek dira eskatuko dizkizugun gakoak: IFZ eta PIN. Urruneko bankuko gakoak ez baldin badituzu hemen eska ditzakezu.

Enpresen banku elektronikoko erabiltzailea baldin bazara, normalean sarbiderako erabiltzaile-gakoa zure INF zenbakiarekin bat dator, sartu hemendik.

Gakoa hiru aldiz oker sartu baldin baduzu eta sarbidea blokeatuta geratu bazaizu, zure banku mugikorretik desblokea dezakezu finantza-txartela baldin baduzu 900 815 669 telefono-zenbakira ( +34 981 980 505 telefono-zenbakira atzerritik deitzen baldin badiguzu) deitu, edo  gure bulego batera joan zaitezke.

Enpresen banku elektronikoko zure erabiltzailea blokeatuta baldin baduzu, desblokeatzeko eska dezakezu 981 910 537 telefono-zenbakira (edo +34 981 910 537 telefono-zenbakira atzerritik deitzen baldin badiguzu) deituz, edo gure bulegoetako batean.

PIN kodea lau edo sei digitu dituen identifikazio pertsonaleko zenbaki bat da. Urruneko bankuko zure erabiltzailearekin lotutako segurtasun-gako bat da, online zerbitzuan eta telefono bidezko bankuan sartzeko ezinbestekoa dena.

Banku elektronikoan PIN izeneko kutxatxoan sakatzean gaitzen den teklatu birtual batekin sartzen da.

Finantza-txartel bateko PIN kodea aldatu nahi baduzu, ABANCAKO edozein kutxazainetan egin ahalko duzu.

Banku elektronikoa urruneko bankuko zerbitzuetako bat da. Zuzenean eska dezakezu webgune honetatik.

Eskaera online egiten baldin baduzu, prozesua oso bizkor eta arina da. Dokumentazio guztia posta elektronikoz jaso eta igorri ahalko duzu. Edo kontratazioa modu presentziakoan amaitzea nahiago baldin baduzu, ondoen datozkizun data, ordu eta bulegoan hitzordu bat eska dezakezu.

Enpresa edo negozio bat baldin baduzu, eskatu enpresen banku elektronikoko zerbitzua hemen edo joan zure bulegora.

Urrutiko bankurako PIN berria eskatu ahal izango duzu banku mugikorreko aplikazioaren bidez. Titular zaren ABANCAko txartel bat izan beharko duzu eskura zeu zarela egiazta dezagun.

Halaber, 900 815 669 telefono-zenbakira dei diezagukezu (edo 34 981 980 505 telefono-zenbakira, atzerritik deitzen badiguzu), urteko 365 egunetan 24 orduz erabilgarri.

Urruneko bankuko zure PIN kodea aldatu nahi baldin baduzu, sartu zure banku elektronikoan zure gakoekin, ‘Nire Profila’ > ‘Zure banku elektronikoko PIN kodea aldatu’ menuan. Edo zure telefono mugikorretik, ezkerrean dagoen > ‘Segurtasuna eta pribatutasuna > ‘PIN kodea aldatu’ menuan.

Bai, sarbide-gakoak berdinak dira. Bankua mugikorrean erabiltzeko ABANCAREN aplikazioa zure smartphonean deskargatu baino ez duzu egin behar zure mugikorreko aplikazioen denda ofizialetik: iOS eta Android.

Telefono bidezko bankua erabiltzeko, dei gaitzazu 981 179 600 telefono-zenbakira (edo +34 981 179 600 telefono-zenbakira atzerritik deitzen baldin badiguzu) eta izan zure gakoak eskura.

Zure segurtasuna uneoro bermatzeko erosketa egiten ari dena zu zarela ziurtatu behar dugu. Horregatik, zure txarteleko datuak sartzeaz gainera, ABANCAKO pantaila batean, zure urruneko bankuko gakoak eskatuko dizkizugu. Horrela, erosketa egiten ari dena zu zarela ziurtatuko dugu.

Abisuen zerbitzuak zure kontu eta txarteleko eragiketak berehala jakiteko aukera emango dizu. Arauak zure mugikorrean edo helbide elektronikoan abisu bat jasotzeko moduan konfiguratzeko aukera ematen dizu zure kontuan edo txartelean mugimendu bat erregistratzen den bakoitzean, esate baterako, 100 eurotik gorako erosketa edo ordainketa bat egiten duzunean, diru-sarrera bat jasotzen duzunean, adibidez, espero zenuen nomina edo transferentzia batena.

Zerbitzu hori aktibatzea oso erraza da. Banku mugikorreko gure aplikazioa erabiltzen baldin baduzu, sartu ‘abisuak konfiguratu’ menuan. Zure banku elektronikora konektatzen baldin bazara, sartu ‘Zerbitzu mugikorrak’ erlaitzean eta sakatu ‘Abisuak’ ezkerreko zutabean. Bertan zure neurrira konfigura ditzakezu.

Abisuen zerbitzua doakoa da zure jakinarazpenak posta elektronikoz jasotzen baldin badituzu. Halaber, doakoa da SMS bidezko abisu edo jakinarazpenetarako banku mugikorrera maiztasunez konektatzen baldin bazara. Bestela, hilean 50 zentimo baino ez zaizkizu kostatuko.

ABANCA Pay aplikazioko erabiltzaile-kodea zure banku elektronikora sartzeko erabiltzen duzun berdina da, zure IFZ edo AIZ zenbakia hizkiarekin. Gogoan izan beti 8 digitu + hizkia idatzi behar direla teklatu bidez, ezkerrera dituzun zeroak barne. Adibidez: 00123456A.

Gogoan izan ABANCA Pay aplikazioan sartzeko urruneko banku zerbitzua kontratatuta izan behar duzula derrigorrez. Oraindik ez baldin baduzu edo sartzeko gakoak ez baldin badituzu, webgune honetan eska ditzakezu zuzenean. Kontratazioa online egin dezakezu osorik modu azkar eta errazean.