Banku-abalak

Zure enpresaren konpromisoak betetzen lagunduko dizugu, baita unean estali ezin dituzun zorrei aurre egiten ere: zergen ordainketa, hornitzaileak, ekipoen funtzionamendua, enkanteetan parte hartzea, obra amaiera…

Eskatu orain Beste webgune batera birbideratuko zara

Gure konfiantzazko botoa

ABANCAn, autonomoa edo enpresa bazara, hirugarrenen aurrean dituzun konpromisoak betetzen lagunduko dizugu, baita horiek bete ezean sor daitezkeen zorrak ordaintzen ere. Horregatik, gure banku-abalak zure eskura jartzen ditugu.

Banku-abala ABANCAren konpromisoa egiaztatzen duen dokumentua da, hirugarrenekin dituzun harreman juridikoak zein merkataritzakoak bermatzeko. Horrela, jaulkitako abal-gutunean jasotzen diren hirugarrenekiko betebeharrei aurre egingo diegu.

Betebehar ekonomikoak (errentamenduak, hornitzaileei ordaintzea, zergak ordaintzea, zorra geroratzeko edo zatikatzeko eskaerak, diru-laguntzak, etab.) nahiz teknikoak (Administrazio publikoaren aurrean errekurtsoak jartzea, kontratuen lizitazioa eta esleipena, obra amaiera, ekipoen funtzionamendua, eta abar) bermatzen ditugu.

Gehien ematen ditugun banku-abalak:

Erakunde publikoen aurrean aurkezten direnak zorra geroratzea edo zatikatzea eskatzeko, errekurtsoak jartzeko, kontratuen lizitazio eta esleipenerako, diru laguntzak eskatzeko…
Hornitzaileen aurrean aurkeztutakoak
Etxea erosteagatik kontuan ordaindutako zenbatekoak bermatzeko abala.
Alokairurako abalak

Nola funtzionatzen du?
Banku-berme bat da, hirugarrenenekiko betebeharrak betetzen direla bermatzen duena. Hirugarren hori abalaren onuraduna izango da.
Zenbat balio du?
Kostua abalatutako zenbatekoaren, aukeratzen duzun bermearen eta abalaren arriskuaren araberakoa izango da.
Zer da onena?
Abalak maiz eskatzen badituzu, horien jaulkipena arintzeko abal-lerroak dituzu zure eskura.
Eta zer gehiago?
Zure beharren arabera, aldi baterako bermea edo berme mugagabea aukera dezakezu.

Zure beharrei aurre egiten lagunduko dizugu

Administrazio publikoaren edo beste enpresen aurrean dituzun behar moten arabera, hiru abalen artean aukera dezakezu:

Galdagarritasun-epea edo bermearen iraungipena duen abala. Abal horrek iraupen mugatua du. Hau, da, ABANCAk zure betebeharrak abalean ezartzen den epearen barruan baino ez ditu estaliko. Onuradunak (adibidez, alokatu duzun merkataritza-lokalaren jabeak) epe horren barruan egin beharko ditu erreklamazioak. Bestela, ez dira estaliko.
Berme-iraungipenik gabeko abala. Abal horren bidez onuradunak edozein unetan erreklamatu ahal izango du zorraren ordainketa, betiere abalaren muga-egunaren ondoren eta indarrean dagoen lege-araudian jasotako ekintza pertsonalen preskripzio-epe orokorraren barruan. ABANCAk zure enpresaren zorra estaltzen jarraituko du, igaro den denbora aintzat hartu gabe, betiere preskripzio-epe orokorra amaitu ez bada.
Iraupen zehaztugabeko abala Abal horrek iraupen zehaztugabea du. Abalaren onuradunak abalari lotutako zorra erreklamatu ahal izango du, baldin eta berme hori deuseztatzeko berariazko baimenik eman ez badu eta/edo jatorrizko abal-gutuna itzuli badu.

Ezeztapen gasturik gabe.

Zure banku-abala ezeztatzeko, jatorrizko abal-gutuna itzuli baino ez duzu egin beharko. Jaulkitako dokumentuan jasotzen bada, onuradunak ABANCAri baimena eman beharko dio abala ezeztatzeko. Ezeztapena gauzatzeko ez da abal-gutunean jasotzen den data aintzat hartuko eta ez da aurrera eramango zure betebeharrak ez betetzeagatik erreklamaziorik badago.

Iraungipen-bermea duen abala baduzu, iraungitze-data heltzen denean ezeztatuko da, betiere onuradunak aldez aurretik ordainketa-erreklamaziorik egin ez badu.

Zure abala aldez aurretik ezeztatzeagatik ez duzu komisiorik edo bestelako gasturik ordainduko.

Jatorrizko abal-gutuna galdu egiten bada, abala ezeztatzea baimentzen duen dokumentua helaraziko dizugu, onuradunak sinatu beharko duena.