Avais bancarios

Axudámosche a cumprir cos compromisos da túa empresa e a facerlle fronte ás débedas se nese momento non podes atendela. Podes elixir entre aval dixital ou con firma manuscrita. Contámoscho!

Solicítao xa

O noso voto de confianza

En ABANCA podemos axudarte a garantir o cumprimento das túas obrigas como autónomo ou empresa ante terceiros e a pagar as débedas que poidan xurdir en caso de que as incumpras nalgún momento. Por iso, poñemos á túa disposición os nosos avais bancarios.

O aval bancario é un documento de compromiso que asumimos en ABANCA para asegurar as relacións xurídicas e comerciais que asumes fronte a terceiros, de modo que nos faremos responsables do pago ao beneficiario polo importe e as obrigas contempladas na carta de aval que se emite.

Garantimos obrigas tanto de tipo económico (arrendamento, pagamento de impostos, pagamento a un provedor, solicitudes de aprazamento ou fraccionamento de débeda, subvencións, etcétera) como técnico (interposición de recursos ante a Administración pública, concurrencia e adxudicación de contratos, funcionamento de equipos, boa fin de obra, etcétera).

Os avais bancarios que concedemos con frecuencia son:

Ante organismos públicos para a solicitude de aprazamentos ou fraccionamentos de débeda, interposición de recursos, concorrencia e adxudicación de contratos, subvencións…
Ante provedores.
En garantía das cantidades entregadas a conta por compra de vivenda.
Por alugueiro.

Como funciona?

É unha garantía bancaria que asegura o cumprimento dunha obriga contraída cun terceiro: beneficiario do aval.
Canto me custa?

O seu custo varía segundo o importe avalado, a garantía que elixas e o risco do aval.
Que é o mellor?

Se solicitas avais con frencuencia, dispós de liñas de avaispara axilizar a súa emisión.
E que máis?

Podes elixir entre aval dixital ou con sinatura manuscrita

Respaldamos as túas obrigas

En función do tipo de obrigas que vas adquirir perante outras empresas ou perante a Administración pública, podes escoller entre dous tipos de avais:

Aval con caducidade de garantía ou prazo de esixibilidade. Este aval ten unha duración determinada. É dicir, ABANCA cubrirá as túas obrigas soamente durante o prazo que marca o aval, e o beneficiario (por exemplo, o propietario do local comercial que alugaches) tamén debe facer as súas reclamacións nese mesmo período. En caso contrario, non estarían cubertas.
Aval sen caducidade de garantía. Este aval permite que o beneficiario reclame o pagamento da débeda en calquera momento, tras o vencemento do aval e durante o prazo xeral de prescrición das accións personais recollido na normativa legal vixente. ABANCA seguirá cubrindo a débeda da túa empresa independentemente do tempo que pasase, sempre que non vencese o prazo xeral de prescrición.
Aval indefinido. Este aval ten unha duración indefinida, polo que o beneficiario do aval poderá reclamar a deuda asociada sempre que non autorizase expresamente a cancelación desta garantía e/ou devolvese a carta orixinal del aval.

Tamén en formato dixital

En ABANCA estamos á vangarda da dixitalización financeira, por iso tamén ofrecemos o aval bancario que necesitas en formato dixital.

Este formato cumpre escrupulosamente con todas as esixencias normativas e ten a mesma validez e seguridade que o formato tradicional. As nosas cartas de aval dixitais están asinadas por apoderados de forma centralizada. E terás a vantaxe de presentar os teus avais dixitais coas características que require cada beneficiario!

Aval ante a Administración Pública: damos un servizo personalizado cando o organismo beneficiario requira que sexa a Entidade Financeira a que deposite directamente o aval, por medios telemáticos, no seu Rexistro Electrónico, como o Servizo Electrónico da Caixa Xeral de Depósitos da Secretaría Xeral do Tesouro e Política Financeira (SECADE) ou o Servizo Electrónico da Caixa Xeral de Depósitos da Xunta de Galicia (CIXTEC).

Para todos aqueles casos nos que non sexa necesaria a presentación directa da garantía por parte da entidade financeira, facilitarémosche a carta de aval asinada dixitalmente para que a poidas enviar ao beneficiario.

Aval ante o sector privado: poñeremos á túa disposición a carta de aval asinada dixitalmente que poderás remitir ao beneficiario polos medios telemáticos que acordásedes.

Cero gastos de cancelación

Para cancelares o aval bancario só tes que devolverlle a carta de aval orixinal e para os casos nos que se contemple no documento emitido, tamén se deberá presentar a autorización do beneficiario a ABANCA, sempre que non exista ningunha reclamación polo incumprimento das túas obrigas, e con independencia do prazo contemplado na carta de aval.

Se o teu é un aval con caducidade de garantía, cancelarase transcurrido o prazo de caducidade contemplado, e sempre que non se realizase unha reclamación de pago por parte do beneficiario con carácter previo.

A cancelación anticipada do teu aval non che suporá ningún tipo de cargo nin de comisión.

No caso de que a carta de aval orixinal se perdese, facilitarémosche un documento que autorice a cancelación do aval que deberá firmar o beneficiario.