Txat honek Adimen Artifizial Sortzaile izeneko teknologia erabiltzen du, eta teknologia hori ABANCAk emandako informazioan oinarritzen da.

Zerbitzua erabiltzeko baldintzak irakurri behar dituzu; ABANCAren webgunean eskuragarri egongo dira beti.

1.Helburua

Txat-zerbitzua ABANCAren jabetzapekoa da, eta helburu bakarra du: erabiltzaileari informazioa eta laguntza ematea ABANCAk eskaintzen dituen produktu eta/edo zerbitzuei buruzko edozein zalantza argitzeko, baita ABANCAren webgunean nabigatzeko, jarduteko edo kontratatzeko ere, besteak beste. Kontuan izan zerbitzu hori adimen artifiziala erabiltzen duen teknologiaren bidez ematen dela, eta, beraz, baliteke txatak ematen dizkizun erantzunak eguneratuta ez egotea edo okerrak izatea. Beraz, informazio hori ez da loteslea izango.

Aholkularitza pertsonalizatua beharko bazenu, zuzenean bulego batera joatea gomendatzen diguzu, edo ABANCAk helburu horietarako erabiltzaileen eskura jartzen dituen beste mekanismo eta/edo zerbitzu batzuk erabiltzea, hala nola telefonoa.

Txat-zerbitzua ezingo da erabili ABANCAren produktuekin edo zerbitzuekin lotutako transakzioak eskatzeko, bezero izan zein ez, ezta produktuak edo zerbitzuak kontratatzeko ere. ABANCAk ez dizu inoiz txataren bidez informazio pertsonalik edo konfidentzialik eskatuko, hala nola bankuarekin edo finantzekin lotutako datuak (sarbide-gakoak, PINa, kontu-zenbakiak, txartel-zenbakiak, etab.); beraz, ez eman informazio hori inoiz. Gainera, ezin duzu hirugarrenen informaziorik eman txatetik.

Nolanahi ere, ABANCAk beretzat gordetzen du planteatzen dizkiguzun kontsultei ez erantzuteko eskubidea, txat-zerbitzuaren xedearekin bat ez badatoz edo xedearekin inolako loturarik ez badute        

2.Erabiltzailearen betebeharrak

  • Txat-zerbitzua arduraz eta zuzen erabili behar duzu, eta ez duzu zerbitzua erabili behar Legearen, moralaren, ordena publikoaren edo onartutako ohitura onen aurkako jarduerak egiteko, ezta zilegi ez diren, debekatuta dauden edo ABANCAren edo hirugarrenen eskubide eta interesak kaltetzen dituzten helburu edo ondorioetarako ere. Horrez gain, ezin duzu Zerbitzua kaltetu, deuseztatu, gainkargatu, hondatu edo galaraz dezakeen erabilerarik aplikatu.

  • Ezin duzu esamolde desegokirik, iraingarririk, mingarririk, difamatzailerik edo laidogarririk erabili.

  • Ez eman datu pertsonalik edo informazio konfidentzialik txataren bidez, ez zurea, ez hirugarrenena. Elkarrizketak estatistika- eta analisi-helburuetarako soilik gordeko dira. Ez dizugu inoiz datu pertsonalik eskatuko txat-zerbitzuaren bidez; beraz, txat-zerbitzua anonimoa izango da. Segurtasun-arrazoiengatik soilik, hala nola jarduera susmagarriak detektatzeko edo zerbitzuaren osotasuna mantentzeko, nabigatzeko erabiltzen duzun IP helbidea hasi duzun txat-elkarrizketarekin lotu ahal izango da. IP helbideen tratamendua ABANCAk bere txat-zerbitzuaren segurtasuna eta osotasuna bermatzeko duen interes legitimoan oinarritzen da.

Zure edo hirugarrenen datu pertsonalak ABANCAri ematen badizkiozu, zu izango zara horren erantzulea.

Txata erabiltzeko baldintzak betetzen ez badituzu, ABANCAk eskubidea izango du txata automatikoki amaitzeko, aurrez abisatu beharrik gabe.

3.Erantzukizun-muga

ABANCAk ez du bermatzen txat-zerbitzurako sarbidea edo erabilera etengabea edo akatsik gabea izatea. Horri dagokionez, ABANCA ez da Zerbitzuaren erabilera desegokiaren ondorioz jasan ditzakezun kalteen erantzule izango, ezta telekomunikazioen etenen, gabezien edo akatsen erantzule ere. Era berean, erabiltzailearen ardura izango da Interneterako konexio egokia izatea.

ABANCA ez da zerbitzua erabiltzen duzun moduaren erantzule; beraz, erabiltzaileak zerbitzuaren erabilerarekin lotutako erreklamazioren bat aurkeztuko balu (judizio bidezkoa zein judizioz kanpokoa), ABANCAk ez luke ondoriorik jasango. ABANCA ez da txataren erantzunetan emandako informaziotik erator daitezkeen kalteen eta galeren erantzule izango, ezta txataren bidez ematen diguzun informazio konfidentzialaren edo datuen ondorioz gerta daitezkeen kalte eta galeren erantzule ere.

Erabiltzailea zerbitzuaren bidezko komunikazioaz baliatuko balitz hirugarren baten nortasuna ordezteko, ABANCA ez da erabilera horrek eragin ditzakeen kalteen eta galeren erantzule izango.

Erabiltzaileak ezin du txat-zerbitzuak emandako informazioa aholkutzat, gomendiotzat edo erabakiak hartzeko elementu erabakigarritzat hartu, eta ABANCA ez da informazio hori era horretan erabiltzeagatik gerta daitezkeen ondorioen erantzule izango.

4.Jabetza industriala eta intelektuala

Txat-zerbitzua ABANCAren jabetzapekoa da, eta jabetza industrialari eta intelektualari buruzko araudiak babesten du. Horrenbestez, zerbitzu hori ezin izango da ustiatu, erreproduzitu, banatu, aldatu edo eraldatu, laga, jendaurrean jakinarazi edo ABANCAk berariaz baimendu ez duen beste edozein modutan hedatu edo erabili.

Zerbitzurako sarbideak ez dio erabiltzaileari ABANCAren jabetza industrial eta intelektualeko eskubideen gaineko inolako eskubiderik ematen, zerbitzu hori erabiltzekoa izan ezik.

5.Zerbitzua aldatzea eta ezabatzea

ABANCAk beretzat gordetzen du txat-zerbitzua erabiltzeko baldintzak osorik edo partzialki aldatzeko eskubidea, baita baldintza berriak gehitzekoa ere. Unean-unean indarrean dauden baldintzak kontsultatu ahal izango dituzu “Txat-zerbitzua erabiltzeko baldintzak” atalean.

ABANCAk beretzat gordetzen du txat-zerbitzua edozein arrazoirengatik aldatzeko edo ezabatzeko eskubidea, bereziki ABANCArekin zerikusirik ez duten arrazoiengatik zailtasun teknikoak edo operatiboak baleude eta, ABANCAren irizpideen arabera, Zerbitzuaren funtzionamendu egokirako segurtasun-maila estandarrak murriztuko edo deuseztatuko balituzte.

ABANCAk beretzat gordetzen du txat-zerbitzua aldi baterako eteteko eskubidea, webgunearen mantentze-lanak egiteko, eguneratzeak instalatzeko, edukiak eguneratzeko, hobekuntza teknikoak aplikatzeko edo diseinua hobetzeko, edo egokitzat jotzen duen beste edozein helburutarako.

6.Lege aplikagarria

Edozein kasutan, Espainiako ordenamendu juridikoaren arauak aplikatuko dira erabiltzailearen eta ABANCAren arteko harremanetan.

7.Pribatutasuna

Egiten ditugun datu-tratamenduei buruzko informazio gehiago nahi izanez gero, kontsultatu gure Pribatutasun Politika