Aínda que ten carácter voluntario, ABANCA adheriuse desde o primeiro momento ao Código de Boas Prácticas, unha iniciativa posta en marcha pola Secretaría de Estado de Economía e Apoio á Empresa, regulada no Real Decreto Lei 6/2012, coa que se establecen diversos mecanismos que permiten, por unha banda, a restruturación da débeda hipotecaria das persoas que teñen extraordinarias dificultades para facer os pagamentos e, por outra, a flexibilización da execución da garantía real (a vivenda).
Todos os nosos clientes que cumpran os requisitos fixados nesa norma poderán solicitar, desde o momento en que teñan dificultades para atender o pagamento da cota hipotecaria, a aplicación das medidas previstas no Código de Boas Prácticas (reestruturación da débeda hipotecaria, quita e dación en pagamento). Pódeste informar con detalle no anexo da norma, na web do Ministerio de Economía ou no noso taboleiro de anuncios, onde agrupamos información de interese sobre tarifas, transparencia bancaria e outras garantías que protexen as persoas que confían en ABANCA.
 

Ademais das opcións dispostas polo Código de Boas Prácticas ao que ABANCA está adherida, participamos no Protocolo de Colaboración para o Establecemento dun Sistema de Intermediación en Materia Hipotecaria da Xunta de Galicia e dispón dun fondo de 200 vivendas co que facilitar o alugueiro social a familias que non desen defrontado os empréstitos hipotecarios con ABANCA e se achen nunha situación de vulnerabilidade social.