Información básica sobre protección de datos persoais

INFORMACIÓN BÁSICA SOBRE PROTECCIÓN DE DATOS PERSOAIS

1. Quen é o responsable do tratamento?

ABANCA VIDA E PENSIÓNS DE SEGUROS E REASEGUROS, S.A.U., con NIF A-15140387 (en diante, "ABANCA Vida e Pensións").

2. Cal é a orixe dos teus datos persoais e que datos tratamos?

2.1. Fontes das que proceden os teus datos: Os teus datos persoais tratados por ABANCA Vida e Pensións poden proceder de ti mesmo, ser xerados en ABANCA Vida e Pensións, ou ter a súa orixe en fontes externas: i) Datos facilitados por ti; ii) Datos xerados sobre ti derivados da propia xestión, desenvolvemento e mantemento das relacións contractuais ou precontractuais que manteñas con ABANCA Vida e Pensións; iii) Entidades encargadas da xestión das coberturas e continxencias recollidas no contrato de seguro que manteñas con ABANCA Vida e Pensións; iv) Entidades encargadas da xestión dos servizos que solicites ou dos que fagas uso ao abeiro do contrato de seguro que manteñas con ABANCA Vida e Pensións (p.ex., o servizo de segunda opinión médica); v) Empresas do Grupo Económico de ABANCA Corporación Bancaria, S.A. (ao que pertence ABANCA Vida e Pensións); vi) Ficheiros comúns do sector de seguros (p.ex. ficheiros de selección e tarificación de riscos e ficheiros para a elaboración de estudos técnicos e estatístico-actuariais); vii) Fontes accesibles ao público (p.ex., censo promocional, diarios e boletíns oficiais ou redes sociais abertas); viii) Organismos da Administración Pública (p.ex., a Tesouraría Xeral da Seguridade Social, o Instituto Nacional de Estatística -INE-, a Axencia Estatal de Administración Tributaria -AEAT-, ou o Índice Nacional de Defuncións -INDEF-); e ix) Ficheiros de información sobre solvencia patrimonial e crédito (p.ex., ASNEF).

No caso de que proporciones datos de terceiros, garantes que contas co consentimento expreso deses terceiros para comunicar a ABANCA Vida e Pensións os seus datos. Así mesmo, garantes que os terceiros cuxos datos proporciones foron debidamente informados dos tratamentos que ABANCA Vida e Pensións levará a cabo con eses datos, tratamentos que se atopan aquí recollidos na presente Información básica sobre protección de datos persoais.

2.2. Categorías de datos persoais: Os datos que tratamos corresponden ás seguintes categorías: i) Datos identificativos e de contacto; ii) Datos referidos á túa voz; iii) Datos de sinatura (manuscrita e dixitalizada) e datos relativos a códigos ou claves de identificación; iv) Datos dos seguros contratados; v) Categorías especiais de datos (p.ex., os datos de saúde necesarios para a formalización e xestión dos seguros de vida, así como para a tramitación e xestión dos sinistros ocorridos; ou os datos asociados á sinatura dixital–sinatura en tableta ou a través da surface); vi) Datos sobre os sinistros ocorridos; vii) Datos persoais de terceiros que se atopen baixo a cobertura da póliza (p.ex., familiares ou empregados); viii) Datos de circunstancias persoais, familiares e sociais; ix) Datos sociodemográficos; x) Datos de situación xeográfica; xi) Datos académicos e profesionais; xii) Datos de emprego; xiii) Datos da actividade comercial; xiv) Datos económicos e de solvencia patrimonial; xv) Datos financeiros; xvi) Datos transaccionais; xvii) Datos inferidos ou deducidos da análise e tratamento do resto de categorías de datos persoais; e xviii) Datos de persoas sobre as que existen sancións e contramedidas financeiras internacionais.

3. Para que tratamos os datos persoais e baixo que lexitimación?

A continuación, informámoste sobre os distintos tratamentos dos teus datos persoais dos que ABANCA Vida e Pensións é responsable, coa especificación das respectivas bases xurídicas que os lexitiman e as finalidades de cada un deles:

3.1. Tratamentos necesarios para a execución das túas relacións contractuais ou precontractuais con ABANCA Vida e Pensións. Co obxectivo de executar as relacións contractuais ou precontractuais que establezas con ABANCA Vida e Pensións e, polo tanto, para poder prestarte os servizos e proporcionarte os produtos que sexan obxecto desas relacións, levaremos a cabo os seguintes tratamentos: i) trataremos os teus datos para a formalización, mantemento e cumprimento das túas relacións contractuais ou precontractuais con ABANCA Vida e Pensións (o que comprende recibir as solicitudes de información ou de contratación que realizases sobre os nosos produtos ou servizos ou tramitar as correspondentes renovacións; contactar contigo con ocasión de calquera incidencia que puidese impedir a finalización da contratación e permitirche retomala; proceder, se é o caso, á alta da operación solicitada mediante a sinatura do correspondente contrato; manter, desenvolver e controlar as túas relacións de seguro con ABANCA Vida e Pensións; enviarte comunicacións non comerciais estritamente relacionadas cos produtos e servizos que teñas contratados; previa información, gravar as conversas telefónicas que manteñas connosco; analizar e xestionar situacións de impagos que poidan producirse; xestionar e dar resposta ás reclamacións que, se é o caso, presentes; e xestionar a aplicación de bonificacións, descontos ou calquera outras condicións promocionais, así como a entrega de premios e/ou agasallos promocionais que, se é o caso, estivesen asociados ou fosen de aplicación á relación contractual establecida con ABANCA Vida e Pensións); ii) adicionalmente, o necesario tratamento dos teus datos de saúde con carácter previo ao establecemento da relación contractual e durante o desenvolvemento e execución da mesma (incluída a determinación da indemnización que procedese no caso de ocorrencia das continxencias recollidas no contrato, en cumprimento da Lei de ordenación, supervisión e solvencia das entidades aseguradoras e reaseguradoras) fundaméntase no consentimento expreso que prestas a través da sinatura e aceptación do presente documento e do cuestionario de saúde utilizado ao efecto por ABANCA Vida e Pensións (do mesmo xeito, a información recollida no cuestionario de saúde, ademais de para o concreto seguro que esteas solicitando ou contratases, poderá terse en conta por parte da compañía aseguradora como medida de loita contra a fraude, no caso de que inicies a contratación dun novo seguro); iii) no caso de que nos solicites ou manteñas connosco un produto de seguro, trataremos os teus datos para a análise e valoración do risco asegurado, o que comprende: recoller e rexistrar os datos e documentación necesaria para levar a cabo esa análise e valoración; efectuar a análise e valoración indicadas mediante a aplicación de técnicas actuariais e estatísticas, tanto no momento en que nos solicites o produto de seguro como, no caso de contratación do mesmo, durante a vixencia do mesmo; e, co obxectivo de conseguir a necesaria coherencia entre a túa situación financeira e o capital ou interese asegurado, analizar a túa situación financeira (incluída a túa solvencia), o que comprende recoller e rexistrar os datos e documentación necesaria para levar a cabo esa análise, que dependerá do tipo de risco asegurable -libre ou vinculado a un produto de financiamento, como pode ser un préstamo- (p.ex., no caso do risco libre: datos profesionais e de emprego, datos económicos e de solvencia patrimonial ou datos doutros seguros anteriores; e no caso do risco vinculado: o xustificante da concesión do produto de financiamento ao que se vincule o seguro), efectuar a análise indicada mediante a aplicación de técnicas actuariais (p.ex. "Profit testing" ou "Proba de rendibilidade"), así como consultar datos relativos ao incumprimento por parte túa de obrigas monetarias, financeiras ou de crédito que figuren en sistemas comúns de información crediticia, como, por exemplo, o ficheiro ASNEF;  iv) a consulta de información no Índice Nacional de Defuncións - INDEF; e v) se é o caso, obter os teus datos de contacto actualizados para xestionar situacións de impago cando nos resulte imposible contactar contigo a través da información que nos facilitases con motivo da formalización das relacións contractuais.

3.2. Tratamentos realizados para o cumprimento de obrigas legais. Para cumprir coas obrigas legais que nos resulten aplicables en cada caso, podemos tratar os teus datos para: i) dar resposta, se procede, ás solicitudes de información realizadas polas administracións e organismos públicos e xuíces e tribunais competentes; ii) a Prevención do Branqueo de Capitais e a Financiación do Terrorismo; iii) a comunicación dos teus datos ao Rexistro de Contratos de Seguro de Cobertura de Falecemento; ao Instituto de Contabilidade e Auditoría de Contas; a ficheiros comúns do sector seguros para a elaboración de estudos técnicos e estatístico-actuariais; ao Consorcio de Compensación de Seguros; e a entidades privadas por razóns de reaseguro, coaseguro ou xestión da póliza; iv) a comunicación de información sobre as túas percepcións monetarias e en especie, así como a túa residencia fiscal e/ou calquera outra información sobre a túa situación persoal e familiar solicitada polas Administracións Tributarias competentes (p. ex., a AEAT) para a aplicación efectiva do sistema tributario estatal e aduaneiro; e v) a comunicación de información aos auditores de contas externos, aos efectos da realización da auditoría á que está obrigada ABANCA Vida e Pensións en virtude da normativa de auditoría de contas, pola súa condición de entidade aseguradora.

3.3. Tratamentos realizados por interese lexítimo de ABANCA Vida e Pensións. Tratamos os teus datos persoais en base á satisfacción dos intereses lexítimos perseguidos por ABANCA Vida e Pensións, e na medida en que sobre eses intereses lexítimos non prevalezan os teus propios intereses ou dereitos e liberdades fundamentais, para as seguintes finalidades: i) detectar e previr a fraude na contratación e durante a provisión ou execución dos nosos produtos e servizos que puidese derivar nun prexuízo para ti, para terceiros e/ou para ABANCA Vida e Pensións; ii) elaborar, facendo uso exclusivamente de datos procedentes das nosas fontes internas, perfís comerciais (o que nos permite analizar e predicir as túas preferencias persoais, situación económica, intereses, localización xeográfica e comportamento) e perfís de risco en materia de seguros con fins comerciais (o que nos permite avaliar, en base á túa situación particular, os eventuais riscos asegurables nos que puideses incorrer), para poder ofrecerche información publicitaria axustada a eses perfís sobre os nosos produtos e servizos similares aos que teñas contratados; iii) ofrecerche información publicitaria, mesmo a través de medios de comunicación electrónica, sobre produtos e servizos similares aos contratados; iv) enviar enquisas para avaliar o teu nivel de satisfacción e a calidade do produto ou servizo que contratases; e v) analizar os datos para a mellora dos nosos procesos internos e/ou a mellora dos nosos produtos e servizos.

En calquera momento, poderás exercer o teu dereito de oposición ao envío de comunicacións comerciais e enquisas, así como ao tratamento dos teus datos para a elaboración dos perfís mencionados no apartado anterior ii), dirixíndote ao Servizo de Atención ao Cliente de ABANCA Vida e Pensións a través dos canais referidos na información adicional e detallada sobre Protección de Datos que figura na política de privacidade accesible na nosa páxina web (https://www.abanca.com</https:>), dentro do apartado de "Aspectos legais e de seguridade", situado na parte inferior de dita páxina web.

3.4. Tratamentos realizados co teu consentimento. Exclusivamente no caso de ter solicitado e obtido o teu previo consentimento a tal efecto, poderemos realizar os seguintes tratamentos dos teus datos persoais:

3.4.1. Ofrecerche información publicitaria axustada ao teu perfil sobre produtos e servizos das demais empresas do Grupo Económico de ABANCA Corporación Bancaria, S.A. e de colaboradores. Trataremos os teus datos persoais para ofrecerche, a través de calquera medio (correo postal, teléfono, mensaxes de calquera tipo ao teléfono móbil -SMS ou mensaxes push-, correo electrónico, redes sociais ou as nosas apps), información axustada aos teus perfís comercial e, se é o caso, de risco en materia de seguros  (é dicir, adaptada aos teus intereses, necesidades, preferencias e características) sobre produtos e servizos das demais empresas do Grupo Económico de ABANCA Corporación Bancaria, S.A. (en diante, "Empresas do Grupo ABANCA"), así como de terceiros colaboradores de ABANCA Vida e Pensións (entidades mercantís e entidades sen ánimo de lucro coas que ABANCA Vida e Pensións mantén acordos de colaboración).

3.4.2. Ceder os teus datos a outras empresas do Grupo Económico de ABANCA para facilitar os seus procesos de contratación contigo. Compartiremos os teus datos persoais con outras empresas do Grupo Económico de ABANCA co fin de facilitar e axilizar a análise (incluída a do risco obxecto de aseguramento no caso de operacións de seguro ou o risco de crédito no caso de operacións de financiamento) e a posible formalización dun contrato ou precontrato que solicitases á correspondente empresa do Grupo Económico de ABANCA destinataria dos datos; ou ben para facilitar e axilizar a xestión e execución dun contrato ou precontrato que xa manteñas coa correspondente empresa do Grupo Económico de ABANCA destinataria dos datos.

3.4.3. Ceder os teus datos a colaboradores de ABANCA Vida e Pensións para facilitar os seus procesos de contratación contigo. Compartiremos os teus datos persoais con colaboradores de ABANCA Vida e Pensións (entidades mercantís e entidades sen ánimo de lucro coas que ABANCA Vida e Pensións mantén acordos de colaboración) co fin de facilitar e axilizar a análise (incluída a do risco obxecto de aseguramento no caso de operacións de seguro ou o risco de crédito no caso de operacións de financiamento) e a posible formalización dun contrato ou precontrato que solicitases ao correspondente colaborador de ABANCA Vida e Pensións destinatario dos datos; ou ben para facilitar e axilizar a xestión e execución dun contrato ou precontrato que xa manteñas co correspondente colaborador de ABANCA Vida e Pensións destinatario dos datos.

3.4.4. Ceder os teus datos a outras empresas do Grupo Económico de ABANCA para que poidan ofrecerche información publicitaria axustada ao teu perfil sobre os seus produtos e servizos. Compartiremos os teus datos persoais con outras empresas do Grupo Económico de ABANCA para que tales empresas elaboren ou actualicen o teu perfil comercial e o teu perfil de risco en materia de seguros ou, se é o caso, o teu perfil de risco crediticio e, facendo uso de tales perfís, poidan preparar, para ofrecércha, información publicitaria axustada aos mesmos (é dicir, adaptada aos teus intereses, necesidades, preferencias, capacidade de aforro e capacidade crediticia) sobre os produtos e servizos que ofrezan ou comercialicen en cada momento; información que, en consecuencia, ditas empresas che farán chegar de forma directa e a través de calquera medio (incluído o correo electrónico, as mensaxes SMS e outros medios de comunicación electrónica equivalente).

3.4.5. Ceder os teus datos a colaboradores de ABANCA Vida e Pensións para que poidan ofrecerche información publicitaria axustada ao teu perfil sobre os seus produtos e servizos. Compartiremos os teus datos persoais con colaboradores de ABANCA Vida e Pensións (entidades mercantís e entidades sen ánimo de lucro coas que ABANCA Vida e Pensións mantén acordos de colaboración) para que elaboren ou actualicen o teu perfil comercial e o teu perfil de risco en materia de seguros ou, se é o caso, o teu perfil de risco crediticio e, facendo uso de tales perfís, poidan preparar, para ofrecércha, información axustada aos mesmos (é dicir, adaptada aos teus intereses, necesidades, preferencias, capacidade de aforro e capacidade crediticia) sobre os produtos e servizos que ofrezan ou comercialicen en cada momento; información que, en consecuencia, ditos colaboradores che farán chegar de forma directa e a través de calquera medio (incluído o correo electrónico, as mensaxes SMS e outros medios de comunicación electrónica equivalente).

3.4.6. Melloras no proceso de cálculo da prima do seguro e elaboración do teu perfil comercial facendo uso de fontes externas. Enriqueceremos a información sobre ti da que xa dispoñemos a través das nosas fontes internas (é dicir, a información que fose facilitada por ti ou xerada en ABANCA Vida e Pensións con motivo da xestión dos produtos e servizos que contratases con ABANCA Vida e Pensións), con outros datos sobre a túa persoa proporcionados por distintas fontes externas, tales como rexistros públicos (como, p.ex., o Rexistro da Propiedade, o Rexistro Mercantil, o INE e o Catastro); fontes accesibles ao público (como, p.ex., listados públicos de persoas asociadas a colexios profesionais, diarios e boletíns oficiais, medios de comunicación social e redes sociais abertas); as empresas do Grupo Económico de ABANCA ás que autorizases que nos cedan os teus datos persoais (como, p.ex., o scoring bancario) para a elaboración pola nosa parte do teu perfil comercial e do teu perfil de risco en materia de seguros; ferramentas e bases de datos de geomarketing; datos de navegación en páxinas web ou aplicacións de terceiros, no caso de que aceptases o uso de cookies e outras tecnoloxías similares nos dispositivos de navegación correspondentes; así como os ficheiros comúns do sector de seguros (p.ex., ficheiros de selección e tarificación de riscos e ficheiros para a elaboración de estudos técnicos e estatístico-actuariais). Todo iso co propósito de poder dispoñer de información relevante para calcular o importe da prima e elaborar respecto de ti un perfil comercial e un perfil de risco en materia de seguros con fins comerciais máis completos e con máis profundidade que os elaborados con fontes internas, o que nos permitirá personalizar de xeito máis certeiro as propostas que che dirixamos en relación cos nosos produtos e servizos, incluíndo a elaboración dunha tarifa ou prezo personalizados en función do teu perfil.

3.4.7. Manter o tratamento dos teus datos persoais unha vez finalizada a nosa relación para a xestión dunha nova solicitude. Conservaremos os teus datos persoais unha vez finalizada a nosa relación contigo, e por un prazo máximo de 5 anos, para xestionar as novas solicitudes de produtos ou servizos que poidas formularnos.

3.4.8. Manter o tratamento dos teus datos persoais unha vez finalizada a nosa relación para continuar enviándoche información publicitaria axustada ao teu perfil sobre produtos e servizos de ABANCA Vida e Pensións. Conservaremos os teus datos persoais unha vez finalizada a nosa relación contigo, e por un prazo máximo de 5 anos, para continuar enviándoche, a través de calquera medio (correo postal, teléfono, mensaxes de calquera tipo ao teléfono móbil –como SMS ou mensaxes push–, correo electrónico, redes sociais ou as nosas app), información publicitaria axustada aos teus perfís comercial e de risco en materia de seguros (é dicir, adaptada aos teus intereses, necesidades e preferencias) sobre produtos e servizos propios de ABANCA Vida e Pensións.

3.4.9. Manter o tratamento dos teus datos persoais unha vez finalizada a nosa relación para continuar enviándoche información publicitaria axustada ao teu perfil sobre produtos e servizos das demais empresas do Grupo Económico de ABANCA e de colaboradores. Conservaremos os teus datos persoais unha vez finalizada a nosa relación contigo, e por un prazo máximo de 5 anos, para continuar enviándoche, a través de calquera medio (correo postal, teléfono, mensaxes de calquera tipo ao teléfono móbil –como SMS ou mensaxes push–, correo electrónico, redes sociais ou as nosas app), información axustada aos teus perfís comercial e de risco en materia de seguros (é dicir, adaptada aos teus intereses, necesidades e preferencias) sobre produtos e servizos das demais empresas do Grupo Económico de ABANCA e dos terceiros colaboradores de ABANCA Vida e Pensións (entidades mercantís e entidades sen ánimo de lucro coas que ABANCA Vida e Pensións mantén acordos de colaboración).

4. Con quen compartimos os teus datos?

O tratamento, para dar cumprimento ás finalidades anteriormente detalladas en función da base xurídica lexitimadora especificada para cada finalidade, pode implicar que os teus datos persoais sexan comunicados a terceiros, tales como: i) A Entidades Financeiras para poder proceder ás cobranças e pagamentos oportunos; ii) A ficheiros comúns do sector seguros para a elaboración de estudos técnicos e estatístico-actuariais; iii) Ao Índice Nacional de Defuncións - INDEF; iv) Ao Instituto de Contabilidade e Auditoría de Contas; v) Aos auditores de contas externos; vi) Ao Consorcio de Compensación de Seguros; vii) A entidades privadas por razóns de reaseguro, coaseguro ou xestión da póliza; viii) Ás entidades encargadas da xestión das coberturas e continxencias recollidas no contrato de seguro que manteñas con ABANCA Vida e Pensións; ix) Ás entidades encargadas da xestión dos servizos que solicites ou dos que fagas uso ao abeiro do contrato de seguro que manteñas con ABANCA Vida e Pensións (p.ex., o servizo de segunda opinión médica); x) Ao Rexistro de Seguros con cobertura de falecemento; xi) Ás Empresas do Grupo Económico de ABANCA e a entidades colaboradoras; xii) A provedores de servizos; xiii) Ás autoridades de supervisión nacionais e da Unión Europea (como, por exemplo, a Dirección Xeral de Seguros e Fondos de Pensións); xiv) Ao Servizo Executivo da Comisión de Prevención de Branqueo de Capitais e Infraccións Monetarias ("SEPBLAC") e ás demais autoridades competentes en materia de prevención do branqueo de capitais e da financiación do terrorismo; xv) Á Unión Española de Entidades Aseguradoras e Reaseguradoras –UNESPA–; xvi) A ficheiros comúns de solvencia relativos ao cumprimento e incumprimento de obrigas monetarias (p.ex., ASNEF); xvii) Á Axencia Estatal de Administración Tributaria e outras administracións tributarias que resulten competentes; xviii) A Xuíces e Tribunais; xix) A Forzas e Corpos de Seguridade do Estado; e xx) Ao Defensor do Asegurado.

Así mesmo, informámoste de que determinadas sociedades que prestan servizos a ABANCA Vida e  Pensións están ubicadas fóra da Unión Europea, o que implica a realización de Transferencias Internacionais de Datos. Neste sentido ABANCA Vida e Pensións garante a aplicación de medidas de seguridade técnicas, organizativas e legais que resulten axustadas ao nivel de risco do tratamento con independencia do territorio onde este se produza.

5. Cales son os Dereitos que che asisten?

Podes exercer os teus dereitos de acceso, rectificación, supresión, limitación, oposición e portabilidade dos teus datos persoais, así como revogar os consentimentos previamente outorgados, dirixíndote ao Servizo de Atención ao Cliente de ABANCA Vida e Pensións a través dos canais referidos na información adicional e detallada sobre Protección de Datos que figura na Política de privacidade de ABANCA Vida e Pensións accesible na páxina web https://www.abanca.com, dentro do apartado de "Aspectos legais e de seguridade", situado na parte inferior de dita páxina web, ou facendo clic aquí.

6. Onde podes consultar a información detallada de Protección de Datos?

Podes consultar a información adicional e detallada sobre Protección de Datos na Política de privacidade de ABANCA Vida e Pensións accesible na páxina web https://www.abanca.com, dentro do apartado de "Aspectos legais e de seguridade", situado na parte inferior de dita páxina web (https://www.abanca.com/es/legal/politica-privacidad-abanca-vida-pensiones/informacion-adicional), ou facendo clic aquí. Na Política de privacidade tamén se detallan, respecto de cada tratamento que ABANCA Vida e Pensións levará a cabo, as concretas categorías de datos utilizados en cada un deses tratamentos, e inclúese a explicación da lóxica aplicada aos perfilados que poderán realizarse sobre os teus datos persoais en función da correspondente base lexitimadora.