Faite cliente

Política de privacidade

POLÍTICA DE PRIVACIDADE DIBUJARSONRISAS.ABANCA.COM

1. Quen é o responsable do tratamento dos teus datos persoais?

O responsable do tratamento dos teus datos persoais é ABANCA Corporación Bancaria, S.A. (en diante, "ABANCA" ou a "Entidade"), provista de NIF A70302039 e con domicilio social en Betanzos (A Coruña), na Rúa Cantón Claudino Pita nº 2, C.P. 15300.

En ABANCA contamos cun Delegado de Protección de Datos, formalmente designado, co que poderás contactar por escrito, se o precisas, para obter máis información sobre calquera dos puntos incluídos na presente Política de Privacidade e para facerlle chegar as túas dúbidas, consultas ou reclamacións relacionadas co tratamento dos teus datos persoais, a través do enderezo de correo electrónico: privacidad@abanca.com.

2. Cal é a orixe dos teus datos persoais e que datos tratamos?

ABANCA tratará os datos que nos facilites de forma directa ao cubrir e enviar o formulario web que figura no sitio colabora.abanca.com, así como aqueles datos que, se é o caso, puidesen xerarse con ocasión da xestión do mesmo. Así mesmo, ABANCA poderá tratar os teus datos persoais de natureza financeira dos que dispoña con motivo das relacións contractuais e/ou precontractuais que, se é o caso, estableceses ou establezas con ABANCA (p.ex., o número de conta na que se cargará o importe da túa doazón).

Os datos persoais que solicitamos a través do formulario web referido no parágrafo anterior son os estritamente necesarios para cumprir coas finalidades que che indicamos no apartado 3 ("Para que e con que lexitimación tratamos os teus datos persoais?") da presente Política de Privacidade e pertencen ás seguintes categorías:

(i) Datos de carácter identificativo: nome, apelidos e DNI/NIF; e

(ii) Datos de contacto: número de teléfono, enderezo postal e enderezo de correo electrónico (e-mail); e

(iii) Datos de natureza financeira: número de conta (IBAN) para a xestión do cargo da doazón -exclusivamente no caso de que optes por esta modalidade de pago para realizar a doazón-.

En ningún caso estás obrigado/a a facilitar ditos datos, pero informámoste de que, no caso de non facelo, resultará imposible a xestión da solicitude relativa á doazón que desexes presentar a través do formulario web. Así mesmo, lembrámosche que os datos que nos facilites deberán ser certos, veraces e actualizados para as finalidades para as que se solicitan.

Así mesmo, poñemos no teu coñecemento que dispós de información adicional sobre os tratamentos que ABANCA realiza sobre os teus datos persoais consultando a política de privacidade na súa páxina web (https://www.abanca.com/es/legal/politica-privacidad).

3. Para que e con que lexitimación tratamos os teus datos persoais?

O tratamento dos teus datos de carácter persoal referidos no apartado 2 ("Cal é a orixe dos teus datos persoais e que datos tratamos?") desta Política de Privacidade serán utilizados exclusivamente coas seguintes finalidades:

(i) Tramitar a solicitude de doazón que realices ao cubrir e enviar o formulario web no sitio colabora.abanca.com, incluíndo a xestión das incidencias que, se é o caso, poidan producirse con motivo de dita tramitación. A base xurídica que lexitima o tratamento referido no presente apartado (i) atópase na execución da solicitude que realizas como doante ao cubrir e enviar o formulario web no sitio dibujarsonrisas.abanca.com;

(ii) Xestionar a emisión do correspondente certificado fiscal da doazón realizada; certificado que será expedido e remitido directamente aos doantes pola entidade beneficiaria da doazón que realices, que é a Fundación UNICEF Comité Español (en diante, “UNICEF España”) -inscrita no Rexistro de Fundacións de Competencia Estatal co número de rexistro 759- con domicilio social en Madrid, na Rúa Mauricio Legendre 36, CP 28046 e provista de CIF G84451087, de conformidade co establecido no apartado 4 ("Con quen compartimos os teus datos persoais?") da presente Política de Privacidade.

A base xurídica que lexitima o tratamento referido no presente apartado (ii) atópase na execución da solicitude que realizas como doante ao cubrir e enviar o formulario web no sitio dibujarsonrisas.abanca.com; e

(iii) No caso de que sexas Cliente de ABANCA, remitirte comunicacións por calquera canle electrónica ou non electrónica relacionadas coa "Campaña Debuxando sorrisos 2025" promovida pola Entidade. Para estes efectos, informámoste de que poderás opoñerte, de forma gratuíta e en calquera momento, a que che enviemos este tipo de comunicacións. Para iso, poderás remitírnos unha mensaxe dirixida ao enderezo electrónico: bajas@abanca.com.

A base xurídica que lexitima o tratamento referido no presente apartado (iii) atópase no mutuo interese lexítimo en que esteas informado/a acerca do progreso e estado da “Campaña Debuxando sorrisos 2025”.

4. Con quen compartimos os teus datos persoais?

Coas exclusivas finalidades de xestionar o abono do importe da doazón e de tramitar a emisión e envío do correspondente certificado fiscal de dita doazón que realices, ABANCA comunicará os datos persoais que nos facilites a través do formulario do sitio colabora.abanca.com e que se indican no apartado 2 ("Cal é a orixe dos teus datos persoais e que datos tratamos?") da presente Política de Privacidade, á entidade beneficiaria da doazón que realices, que é UNICEF España, con domicilio social en Madrid, na Rúa Mauricio Legendre 36, CP 28046 e provista de CIF G84451087.

Así mesmo, informámoste de que os teus datos persoais tamén poderán ser comunicados á Axencia Tributaria e demais órganos das Administracións Públicas para o exercicio das súas lexítimas competencias nos termos establecidos na normativa vixente, exclusivamente cando dita comunicación de datos resulte precisa e co alcance que determine a lexislación aplicable en cada momento.

Fóra dos supostos anteriores, os teus datos persoais non serán comunicados a ningún terceiro, salvo que concorra unha obrigación legal aplicable a ABANCA.

5. Está prevista algunha transferencia internacional dos teus datos persoais?

Informámoste de que non está prevista a realización de ningunha transferencia internacional dos teus datos persoais para acadar as finalidades indicadas no apartado 3 ("Para que e con que lexitimación tratamos os teus datos persoais?") da presente Política de Privacidade.

6. Por canto tempo conservamos os teus datos persoais?

Os datos persoais obtidos ao cubrir e enviar o formulario do sitio colabora.abanca.com, así como aqueles que, se é o caso, se xeren con ocasión do mesmo serán conservados durante o tempo necesario para poder cumprir coas finalidades indicadas no apartado 3 ("Para que tratamos os teus datos persoais e baixo que lexitimación?") da presente Política de Privacidade.

Unha vez cumpridas as citadas finalidades, os datos serán bloqueados conforme ao disposto na normativa, o que implica que estarán dispoñibles só para a formulación, o exercicio ou a defensa de reclamacións ou a solicitude de Xuíces e Tribunais, o Ministerio Fiscal ou as Administracións Públicas competentes durante os prazos de prescrición legal (con carácter xeral, cinco anos, que é o prazo de prescrición das accións persoais). Transcorrido dito prazo, os datos persoais serán eliminados.

7. Cales son os teus dereitos?

A normativa de protección de datos confíreche unha serie de dereitos en relación co tratamento dos teus datos persoais:

  • Dereito de acceso. Podes coñecer que tipo de datos estamos tratando e as características do tratamento que estamos levando a cabo.

  • Dereito de rectificación. Podes solicitar a modificación dos teus datos cando estes sexan inexactos ou incompletos.

  • Dereito de portabilidade. Podes obter unha copia nun formato interoperable dos datos que estean sendo tratados.

  • Dereito á limitación do tratamento. Podes solicitar a limitación do tratamento dos teus datos persoais cando se cumpra algunha das condicións recollidas na Lei:

    • Cando impugnes a exactitude dos teus datos persoais, durante o prazo no que ABANCA comproba a exactitude dos mesmos;

    • Cando o tratamento sexa ilícito e te opoñas á supresión dos teus datos persoais e solicites, no seu lugar, a limitación do seu uso;

    • Cando ABANCA non precise tratar os teus datos persoais pero ti os precises para o exercicio ou a defensa de reclamacións; e

    • Cando te opuxeses ao tratamento dos teus datos persoais para o cumprimento dunha misión en interese público ou para a satisfacción dun interese lexítimo mentres se verifica se os motivos lexítimos para o tratamento prevalecen sobre os teus.

  • Dereito de supresión. Podes solicitar a supresión dos teus datos cando o tratamento xa non resulte necesario.

  • Dereito de oposición. Podes solicitar que non tratemos os teus datos persoais e a non ser obxecto de decisións baseadas unicamente en tratamentos automatizados. Así mesmo, podes solicitar o cesamento nos tratamentos amparados no interese lexítimo de ABANCA, caso no que deixaremos de tratar os teus datos, salvo que acreditemos motivos lexítimos imperiosos para o tratamento que poidan prevalecer sobre os teus dereitos, ou para a formulación, o exercicio ou a defensa de reclamacións. 

  • Dereito a interpoñer unha reclamación fronte á autoridade de control (en España, a Axencia Española de Protección de Datos https://www.aepd.esSerás redirixido a outro sitio web), no caso de considerar que os teus dereitos foron vulnerados.

Podes exercer os citados dereitos dirixíndote por escrito ao Servizo de Atención ao Cliente de ABANCA a través do enderezo postal: Rúa Nova, 1 - Entreplanta, C.P. 15003, A Coruña ou no correo electrónico: atencioncliente@abanca.com. En calquera caso, deberás identificarte correctamente, indicar a referencia "Protección de Datos - Campaña Debuxar sorrisos 2025" e o concreto dereito a exercer.

Tramitaremos a túa solicitude coa maior brevidade posible e, en todo caso, no prazo legal dun (1) mes a partir da recepción do teu escrito. Dito prazo poderá prorrogarse outros dous (2) meses no caso de ser necesario, tendo en conta a complexidade e o número de solicitudes recibidas. Neste último caso, informarase da prórroga dentro do transcurso do primeiro mes desde a recepción da solicitude, indicando os motivos da dilación.

v1.0 Política de Privacidade Formulario web “Campaña Debuxar sorrisos 2025” Novembro 2025