ABANCA, oficinas, horarios, valores

ABANCA, unha das dez primeiras entidades financeiras españolas por volume de activos, é un banco con sede en Galicia que aposta por unha nova forma de facer banca, baseada no que nós denominamos Sentir Común, e nuns valores moi claros: responsabilidade, confiabilidade, calidade e innovación.

Contamos cunha rede de arredor de 700 oficinas distribuídas por España e outros 9 países. Traballamos aquí máis de 4.600 persoas dedicadas a satisfacer as necesidades de clientes e clientas coma ti.

En Galicia, onde se atopa a razón social de ABANCA estamos presentes no 87% dos concellos, polo que damos cobertura ao 98% da poboación. Somos, ademais, o primeiro financiador do tecido empresarial galego, un compromiso co desenvolvemento, o futuro e a prosperidade que forma parte, tamén, da alma deste novo banco.

Fóra de Galicia contamos cunha rede comercial de 114 oficinas, con especial presenza en León, Asturias e Madrid.

Queremos conciliar os atributos da banca tradicional coas características dun banco de última xeración que aposta pola innovación como un dos seus valores primordiais.

En ABANCA o cliente está no centro de todas as nosas decisións, e se nos gusta dicir que somos unha banca de persoas para persoas é porque os nosos empregados son a outra parte fundamental deste Sentir Común.

O noso modelo é dunha banca de servizo e proximidade.

A alma deste banco e desta marca resúmese nunha emoción: Sentir Común. O Sentir Común é un compromiso cos nosos clientes: o de facer sempre o que sexa mellor para todos; o de mollarse se os demais se mollan. Sentir Común é ter o pés na terra e ir todos no mesmo barco. Sentir Común é escoitar e responder. Con transparencia e honestidade, con proximidade e sinxeleza.

Ademais, neste novo banco todos os empregados e empregadas comprometémonos con catro valores irrenunciables: responsabilidade (somos serios e cumprimos coa palabra dada); confiabilidade (dicimos sempre a verdade, porque é a única forma de xerar confianza); innovación (porque o mellor sempre está esperando uns pasos máis adiante) e calidade (porque nos propomos ser os mellores, cada día, para superar as expectativas dos nosos clientes).

Se sufriches algunha incidencia e non a puideches resolver na túa oficina, podes dirixirte ao noso Servizo de Atención ao Cliente.

Atenderemos cualquera queixa ou reclamación que presentes no prazo máximo dun mes desde que a recibamos.

Para contactar connosco, envíanos a túa consulta a través do seguinte formulario ou chámanos ao teléfono 900 815 522. Se chamas desde o extranxeiro faino ao +34 981 910 522.

Se o prefires, podes contactarnos a través do buzón da túa banca electrónica desde a sección de 'Axuda e Contacto' tanto se nos escribes a nivel particular como representando á túa empresa.

Tes todas as garantías derivadas das normativas regulatorias que cumprimos como entidade financeira española e europea, e da aplicación do noso modelo de goberno corporativo, a altura dos máis elevados estándares internacionais.

Os nosos indicadores de redabilidade, solvencia e liquidez avalan a nosa estratexia de sostenibilidade a longo prazo, focalizada no negocio minorista tradicional e a concesión de crédito.

ABANCA obtivo no 2015 un beneficio neto de 330 millóns de euros, o que supón unha rendabilidade (ROTE) do 8,7%, unha das máis elevadas do mercado bancario en España.

Somos unha das entidades máis solventes do sector financeiro español e europeo, o que nos permite superar o nivel de capital mínimo requerido de acordo coas directrices de Basilea III.

Dispoñemos dunha posición de liquidez de 10.917 millóns de euros en activos dispoñibles e capacidade de emisión, cifra coa que cumprimos amplamente os requerimentos esixibles en 2018.

Desenvolvimos un novo modelo comercial onde cobran protagonismo a solidez, a atención ao cliente e a innovación, así que estamos nas mellores condicións para atender, con responsabilidade e sentido común, as túas necesidades.

Sentir Común tamén é preocuparnos polo futuro, polo noso contorno. Por iso ABANCA nace cun claro compromiso cos empresarios, cos emprendedores, coa industria e o comercio. O noso obxectivo é formalizar máis de 12.000 millóns de euros en crédito nos próximos tres anos, dos que 8.300 millóns estarán dirixidos ao financiamento da economía produtiva.

Queremos, ademais, dar un forte pulo á actividade internacional, acompañando as nosas empresas na súa internacionalización, estreitando os vencellos coa colonia galega no exterior e aproveitando o potencial de Banesco Internacional nos países onde está presente.