Axuda coa túa documentación e xestións

Nalgunhas xestións laborais ou administrativas pode ser que che cumpra presentar un certificado de titularidade da túa conta de ABANCA. Contámosche como facelo en cuestión de minutos, nun formato totalmente válido e xa listo para achegar en calquera solicitude.

Aínda que a información fiscal dos teus produtos financeiros xa está ao dispor da AEAT (poderás consultala nos teus datos fiscais ou no borrador da declaración no programa Renda WEB dispoñible na páxina web da AEAT), debes saber que está ao teu dispor e que a podes descargar na ecorrespondencia da túa banca electrónica, na app da banca móbil ou na caixa de correo dixital.

Non tes estes servizos? Son gratis e serven para isto e para moito máis. Tamén lle podes solicitar ao teu xestor que che envíe a información fiscal utilizando o formulario de máis abaixo.

Se tes un recibo que tes que pagar, podes facelo moi facilmente na túa banca electrónica. Coa app da banca móbil de ABANCA (lembra que ambos os dous son servizos gratuítos), mesmo podes facelo tirándolle unha fotografía coa cámara do teléfono. Tamén podes devolver os recibos que consideres que che cobraron erroneamente.

Ademais de poder facer unha transferencia á hora que queiras e desde onde queiras, coa túa banca electrónica ou coa túa app de banca móbil tamén podes descargar un xustificante válido para calquera trámite ou xestión, e xa listo para utilizalo como queiras.

Ademais de moitas outras vantaxes, as tarxetas de ABANCA permítenche pagar directamente nas sedes de moitos organismos públicos (Tráfico, Facenda… ). Se o que necesitas require un certificado dixital, en cuentasclaras.es contámosche como facelo: serache moi útil para moitas xestións, e cada vez máis!

Na nosa sección de axuda podes atopar resposta para un gran número de preguntas dos temas máis variados, explicado de forma sinxela e coloquial. Se non atopas o que buscas, indicámosche a mellor forma de poñerte en contacto con nós.