A Carteira ABANCA Responsable é un produto financeiro que promove tanto características ambientais como sociais, pero que a pesar de non ter un obxectivo de investimento sustentable comprométese a investir polo menos un 5% en investimentos sustentables.

A carteira segue unha estratexia de investimento denominada “modelo Alpha 360” na que se seleccionan algunhas das mellores IIC, tanto de xestoras internacionais como marca ABANCA, co obxectivo de superar ao mercado de maneira consistente. A carteira combina investimentos en IIC con diferentes vocacións investidoras, xeografías e temáticas. O seu obxectivo é conseguir unha rendibilidade positiva a medio e longo prazo investindo de forma responsable e contribuíndo positivamente ao medio ambiente e á sociedade.

Ademais, o produto ten en consideración as principais incidencias adversas sobre os factores de sustentabilidade que poden causar os seus investimentos.

A carteira investirá polo menos un 50% en investimentos “Axustados a características ambientais ou sociais”. Para a promoción destas características ambientais e sociais aplícanse os seguintes criterios extra-financeiros para seleccionar as súas IIC:

Criterios excluíntes: A carteira investirá maioritariamente (polo menos un 75%) en IIC clasificadas como artigo 8 ou 9 polo SFDR, a sociedade xestora das mesmas debe ser asinante dos UN PRI e a exposición a actividades controvertidas tal e como se definen na Política de Investimento Sustentable de ABANCA limítase a un máximo do 5% respecto ao total de investimentos da carteira.

Criterios valorativos: Avalíanse as posicións da carteira en base aos indicadores cuantitativos de Risco ESG e emisións de CO2 que nos facilita o provedor de datos ESG para os cales ABANCA estableceu uns limiares ou puntuacións mínimas.

Adicionalmente, a carteira comprométese a ter como mínimo un 5% de investimentos sustentables a través do compromiso mínimo que cada unha das IIC indica no seu anexo de sustentabilidade podendo contribuír a obxectivos tales como a redución das emisións de gases de efecto invernadoiro, eficiencia enerxética, xestión eficaz dos recursos, protección dos ecosistemas terrestres e mariños, produción e consumo responsable, entre outros.

Para a xestión utilízanse fontes de información maioritariamente externas como provedores de datos de sustentabilidade e a información facilitada polas propias sociedades xestoras.

A pesar de que algúns provedores de información ambiental, social e de gobernanza (ESG) poidan facilitar nalgúns casos datos estimados, isto non supón unha limitación nin afecta á promoción das características da carteira.

A política de implicación a longo prazo de ABANCA como accionista non aplica cando o investimento se realiza a través de IIC, como é o caso da carteira ABANCA Responsable. Non obstante, o equipo xestor mantén un diálogo activo coas sociedades xestoras das IIC nas que inviste.

A carteira non designou ningún índice de referencia.

Este produto financeiro promove características ambientais ou sociais, pero non ten como obxectivo un investimento sustentable. Non obstante, manterá unha porcentaxe mínima do 5% da súa carteira en investimentos sustentables a través do compromiso mínimo que cada unha das IIC indica no seu anexo de sustentabilidade podendo contribuír a obxectivos tales como a redución das emisións de gases de efecto invernadoiro, eficiencia enerxética, xestión eficaz dos recursos, protección dos ecosistemas terrestres e mariños, produción e consumo responsable, entre outros.

A carteira promove características ambientais e/ou sociais (ESG), e incorpora a sustentabilidade ao proceso de investimento aliñando os seus investimentos coas prácticas e o compromiso cos seguintes factores ESG:

• Ambientais: redución da emisión de gases de efecto invernadoiro e da pegada de carbono, uso responsable dos recursos naturais a través de medidas que contribúan a reducir o impacto na biodiversidade do planeta, xestión axeitada dos residuos e fomento da economía circular e utilización de enerxías renovables.

• Sociais: recoñecemento e aplicación das normativas globais no referente aos dereitos humanos, normas de traballo nas cadeas de subministración, relacións con comunidades locais e a sociedade en xeral, políticas sólidas no coidado do capital humano, diversidade social, de xénero, inclusión, xeración de emprego e xestión responsable de clientes e produtos.

• Goberno corporativo: compromiso do consello de administración coa xestión responsable e sustentable das compañías, dereitos políticos, transparencia ou ética corporativa, distribución axeitada de membros independentes, diversos e con formación técnica suficiente para a xestión das compañías.

A carteira inviste exclusivamente a través de IIC.

Para a xestión da carteira, séguese unha estratexia de investimento denominada “modelo Alpha 360” na que se seleccionan algunhas das mellores IIC, tanto de xestoras internacionais como marca ABANCA, co obxectivo de superar ao mercado de maneira consistente. A carteira combina investimentos en IIC con diferentes vocacións investidoras, xeográficas e temáticas. O seu obxectivo é conseguir unha rendibilidade positiva a medio e longo prazo investindo de forma responsable e contribuíndo positivamente ao medio ambiente e á sociedade.

A carteira investirá polo menos un 50% en investimentos “Axustados a características ambientais ou sociais” dos cales como mínimo un 5% estará investido en investimentos sustentables xa sexa cun obxectivo tanto ambiental como social sen determinar de forma previa un mínimo en cada categoría.

Todas as exposicións son sempre indirectas, na medida en que a carteira non inviste directamente nas compañías, emisores, etc. senón a través de IIC.

O seguimento das características ambientais e sociais promovidas pola carteira lévase a cabo a través dun dobre proceso de medición.

Por unha banda, ao tratarse dunha carteira que inviste a través de institucións de investimento colectivo (IIC) utilízase a información que se obtivo das propias IIC como é a adhesión das sociedades xestoras aos Principios de Investimento Responsable das Nacións Unidas (UN PRI), a clasificación das mesmas baixo o Regulamento (UE) 2019/2088 (SFDR), ou a información que as mesmas emiten en relación aos seus porcentaxes mínimos de promoción ESG, investimento sustentable conforme ao SFDR, porcentaxe de aliñamento con taxonomía ou se teñen en conta as principais incidencias adversas e de que tipo as teñen en conta (ambientais ou sociais ou de gobernanza).

Por outra banda, o equipo xestor de Abanca Corporación Bancaria, S.A. (ABANCA) utiliza os seguintes indicadores de sustentabilidade que obtén do seu provedor externo de datos ESG: Risco ESG, emisións de CO2 e a exposición a actividades controvertidas tal e como se definen na Política de Investimento Sustentable de ABANCA.

Para a promoción das características ambientais ou sociais a carteira aplica os seguintes criterios extra-financeiros para seleccionar as súas IIC: - Criterios excluíntes: A carteira investirá maioritariamente (polo menos un 75%) en IIC clasificadas como artigo 8 ou 9 polo SFDR, a sociedade xestora das mesmas debe ser asinante dos UN PRI e a exposición a actividades controvertidas tal e como se definen na Política de Investimento Sustentable de ABANCA limítase a un máximo do 5% respecto ao total de investimentos da carteira.

• Criterios valorativos: Avalíanse as posicións da carteira en base aos indicadores cuantitativos de Risco ESG e emisións de CO2 que nos facilita o provedor de datos ESG para os cales ABANCA estableceu uns limiares ou puntuacións mínimas.

Para a xestión da carteira e a promoción das súas características ambientais e sociais, utilízanse distintos provedores de datos como Clarity AI, MorningStar e Bloomberg. Ademais, obténse información directamente das sociedades xestoras, a través de diferentes métodos como os cuestionarios de dilixencia debida, os anexos de sustentabilidade das IIC ou a plantilla EET (European ESG Template).

A través da comparación dos datos recibidos das distintas fontes de información garántese a calidade dos datos e que ABANCA dispón de información suficiente.

Ademais, ABANCA leva a cabo accións específicas de diálogo coas sociedades xestoras que teñen como obxectivo, entre outros, contrastar a información facilitada tanto polos provedores como pola propia xestora e obter información adicional cando se considere necesario. A información recibida das distintas fontes é analizada por ABANCA tanto de forma previa á selección das IIC que forman parte da carteira, como de forma continuada.

Na medida en que gran parte dos datos empregados son facilitados por provedores externos, non é posible para ABANCA coñecer a proporción de datos que se obtiveron mediante estimación.

ABANCA é consciente de que algúns provedores de datos de sustentabilidade basean tanto a información facilitada como os seus ratings ou puntuacións en estimacións.

Non obstante, a información non se obtén unicamente de provedores de datos senón tamén directamente das propias sociedades xestoras. Ademais, realízanse comparacións entre os datos facilitados polas distintas fontes e lévanse a cabo actuacións de diálogo activo coas sociedades xestoras.

Por tanto, ABANCA considera que isto non supón unha limitación e non afecta ao modo en que se promoven as características ambientais e sociais da carteira.

As limitacións actuais obedecen á falta de información no mercado respecto a algunhas cuestións relacionadas coa sustentabilidade, posto que actualmente existe unha porcentaxe moi elevada de compañías que non están obrigadas a facilitar información de sustentabilidade.

O equipo de investimentos da entidade conta con procesos de control onde periodicamente se analiza o cumprimento dos indicadores anteriormente citados para garantir que as carteiras cumpren cos compromisos de integración de riscos ESG, promoción de características sustentables e porcentaxe de investimento sustentable. Máis especificamente, os controis relacionados coa aliñación das carteiras ás preferencias de sustentabilidade dos clientes, realízanse cando hai cambios nas carteiras e aqueles relacionados co cumprimento das características de sustentabilidade aliñados coa normativa de divulgación SFDR realízase en primeiro lugar, previa entrada de calquera activo novo en carteira, e en segundo lugar, de forma trimestral. Ademais das medidas anteriormente citadas, a carteira ten en consideración as principais incidencias sobre os factores de sustentabilidade (PIA) cuxo obxectivo é mellorar o perfil de sustentabilidade das carteiras xestionadas e evitar ou reducir, na medida do posible, posibles controversias en materia de sustentabilidade ao longo do tempo. Coa consideración de PIA, preténdese identificar, priorizar, xestionar e cando resulte posible, mitigar os impactos negativos que poidan chegar a xerar sobre o medio ambiente e a sociedade.

ABANCA conta cunha Política de Implicación que pretende establecer os principios xerais e criterios necesarios para garantir a súa adecuada implicación como accionista nas compañías cotizadas nas que inviste. Non obstante, dita política só é de aplicación cando se inviste directamente nas compañías e non cando o investimento se fai a través de IIC tal e como fai a carteira.

Sen prexuízo do anterior, o equipo xestor de ABANCA estableceu procedementos internos de diálogo activo coas sociedades xestoras co obxectivo de, por unha banda, contrastar a información dispoñible e solicitar datos adicionais e, por outra, poder debater determinadas cuestións relativas á estratexia de sustentabilidade da IIC en cuestión.

A carteira non designou ningún índice de referencia.

• Información precontractual

• Información periódica

Declaración relativa ás principais incidencias adversas das decisións de investimento sobre os factores de sustentabilidade: ABANCA terá en conta as principais incidencias adversas que as decisións de investimento poidan ter sobre os factores de sustentabilidade, a nivel entidade e, polo tanto, de forma agregada para todas as carteiras xestionadas por ABANCA. De acordo co disposto no Artigo 4 do Regulamento (UE) 2019/2088 do Parlamento Europeo e do Consello, do 27 de novembro de 2019, sobre a divulgación de información relativa á sustentabilidade no sector dos servizos financeiros.

Accede ao documento completo

Non consideración das incidencias adversas das decisións de investimento e do asesoramento en materia de investimento: ABANCA, cando preste o servizo de asesoramento en materia de investimento, non terá en conta as principais incidencias adversas sobre os factores de sustentabilidade xa que, como asesor financeiro, non dispón dunha política de dilixencia debida en relación con ditas incidencias adversas. Pola súa parte, ABANCA Vida e Pensións e ABANCA Mediación tampouco terán en conta as principais incidencias adversas sobre os factores de sustentabilidade xa que non dispoñen dunha política de dilixencia debida en relación con ditas incidencias.