Sobre Bizum Pay

Bizum Pay é a nova app de pago móbil (wallet), que che permitirá pagar en comercios físicos (cafetarías, restaurantes, farmacias e calquera outro establecemento) con só achegar o teu teléfono móbil ao datáfono.

Bizum Pay permitirache pagar con tarxeta (ao igual que outros wallets, como Apple, Google ou Samsung Pay) pero, ademais, é a única app coa que tamén poderás pagar con bizum con cargo directo á túa conta.

O servizo xa está dispoñible no teu TPV de ABANCA. Informarémosche polos canais habituais con todos os detalles e as vantaxes que ten este novo servizo para o teu negocio.

Actualmente, para activar e usar o envío de diñeiro por Bizum a través da app é necesario ter polo menos 18 anos.

No caso de Bizum Pay, tamén é necesario ter 18 anos e ter activado previamente os pagos por Bizum na app.

Non, Bizum Pay está deseñado exclusivamente para realizar pagos en comercios. O resto das túas operacións habituais (envíos e solicitudes de diñeiro a amigos ou familiares, doazóns a ONG ou pagos de lotarías), seguirán funcionando como ata agora, desde a túa app de ABANCA.

Para meirande seguridade, o proceso de activación poderá realizarse de forma guiada desde a aplicación móbil de ABANCA. Para iso, accede á sección de personalización, selecciona Bizum e inicia a configuración de Bizum Pay. Para completar o proceso, deberás descargar a aplicación de Bizum Pay desde a túa tenda de aplicacións (Google Play ou App Store). Lembra que é necesario rexistrarte previamente en Bizum para iniciar a activación.

Tamén é posible descargar directamente a aplicación de Bizum Pay desde a tenda de aplicacións do teu móbil, introducir o teu número de teléfono asociado a Bizum e a propia aplicación redirixirache á app de ABANCA para completar o proceso.

Non terás que preocuparte! Bizum Pay permite engadir varios métodos de pago polo que, se o pago con Bizum non está dispoñible, poderás elixir manualmente unha das tarxetas bancarias do wallet como método de pago alternativo.

Poderás pagar en calquera comercio que acepte pagos sen contacto (NFC).

Grazas á posibilidade de engadir tarxetas ao teu wallet poderás pagar en calquera establecemento ou mesmo en comercios do estranxeiro, só terás que seleccionar algunha das tarxetas engadidas ao teu wallet cando o establecemento non permita o pago con Bizum (con cargo directo á conta).