Sobre Seguro de proteccion de tarxeta de débito

O seguro de protección de tarxeta de débito é un seguro combinado á tarxeta que che ofrece unha capa extra de seguridade. Combina unha cobertura por Falecemento así como protección ante situacións de Desemprego, Incapacidade Temporal ou Hospitalización. Podes contratalo comodamente desde a túa app de ABANCA ou na túa oficina ABANCA máis próxima.

Ten en conta que o seguro asóciase só a unha tarxeta. No caso de que teñas varias tarxetas de débito, recomendámosche elixir a tarxeta que máis uses habitualmente, xa que a protección calcúlase sobre os gastos realizados con ela.

ABANCA MEDIACIÓN, OPERADOR DE BANCA SEGUROS VINCULADO a ABANCA SEGUROS GENERALES clave DGS C0808 e ABANCA VIDA Y PENSIONES clave C0628. Dispón de Seguro de Responsabilidade Civil e a Capacidade Financeira esixidos pola normativa de distribución de seguros vixente. Clave DGS OV-0044. Consulta as aseguradoras coas que o mediador ten celebrado un contrato de axencia.

Este seguro está pensado para apoiarte en momentos difíciles mediante catro coberturas principais:

• Falecemento: cobre a perda da vida por calquera causa ou accidente para que os teus beneficiarios reciban un apoio económico.
• Desemprego: axúdache se perdes o teu traballo ou se a túa xornada se reduce máis do 50%. Está dirixido a traballadores por conta allea con contrato indefinido (mínimo 25 horas semanais e 6 meses de antigüidade).
• Incapacidade Temporal: un respaldo se non podes traballar por unha enfermidade ou accidente temporal. Esta cobertura é para autónomos, funcionarios e traballadores con contrato temporal.
• Hospitalización: unha axuda adicional se necesitas ingresar nun hospital por motivos de saúde. Cobre a quen non están nas situacións anteriores. No caso de maiores de 67 anos, a cobertura é exclusivamente por accidente.

Se ocorre algunha das situacións cubertas, chámanos ao teléfono que indicamos no teu contrato. Recibirás un pago único calculado segundo o gasto da túa tarxeta nos últimos 6 meses (nos que houbese actividade), ata un máximo de 750 € por sinistro e anualidade en caso de Desemprego, Incapacidade ou Hospitalización.

Para calcular este gasto mensual promedio tamén incluímos as retiradas de efectivo de ata 250 € ao mes, sempre que nese mesmo período tamén realizases pagos coa túa tarxeta.

A prestación por Falecemento é de 1.500 €.

O seguro actívase automaticamente cando utilices a túa tarxeta de débito por primeira vez. Lembra que para que esta cobertura sexa efectiva, é necesario haber abonado previamente o importe da prima.

Ten en conta que este seguro ten carencia, isto significa que existen uns prazos de espera desde que o contratas ata que podes usar a cobertura:

• Desemprego: 60 días de carencia.
• Incapacidade Temporal ou Hospitalización por enfermidade: 30 días de carencia.
• Hospitalización por accidente: non ten período de carencia.

Ademais, para cobrar a prestación, debes cumprir unha permanencia mínima (é dicir, a situación debe durar un tempo determinado): polo menos 60 días consecutivos en desemprego ou incapacidade, ou 15 días en caso de hospitalización.

No caso de que queiras cancelar o contrato, consulta aquí o que debes facer.