Se nos movementos da túa tarxeta hai operacións que non realizaches, podes “apagala” na túa banca electrónica ou na túa app móbil para impedir que se realicen operacións con ela. 

Se estás seguro de que non fuches ti, chámanos o máis rápido que poidas ao 900 815 525 ( ou ao +34 981 910 525 se nos chamas desde o estranxeiro) para que realicemos todas as xestións necesarias de bloqueo e recuperación.

Se che chega unha mensaxe ao móbil avisándoche de que instalaches a túa banca móbil ou indicando que asines unha operación de banca electrónica pero non es ti o que está a facer a xestión, chámanos o máis rápido que poidas ao 900 815 522 (ou ao +34 981 910 522 se nos chamas desde o estranxeiro) para que realicemos todas as xestións necesarias para bloqueala. Este servizo está dispoñible as 24 horas do día. 
 

Se non estás seguro de que pasou coa túa tarxeta, podes apagala na túa banca electrónica ou a túa app móbil para impedir que se realicen operacións con ela. Se finalmente atopas a túa tarxeta, poderás volver acendela e volver usala.

Cando esteas seguro de que perdiches ou de que cha roubaron, chámanos o máis rápido que poidas ao 900 815 524 (ou ao +34 981 910 524 se nos chamas desde o estranxeiro) para que bloqueemos a tarxeta e así ninguén poida utilizala. Este teléfono está dispoñible para bloquear tarxetas todo o tempo, día e noite, todos os días do ano. Lembra que tamén podes bloquear a túa tarxeta desde a app de ABANCA.

Se ademais da tarxeta perdes ou che rouban o DNI, deberíasllo notificar á Policía. E tambén avisarnos: envíanos un correo electrónico cos datos a tuseguridad@abanca.com ou acude a unha das nosas oficinas.

Lembra que cando pidas unha nova tarxeta a antiga deixará de funcionar inmediatamente. Recibirás a tarxeta nova na túa casa ou, se prefires, na oficina que nos indiques.

Revisa os movementos da túa tarxeta e se detectas algunha operación que non realizases, podes solicitar a devolución do importe desas compras desde esta mesma web. 

Recibirás a túa nova tarxeta nun prazo estimado máximo de entre cinco e sete días laborables tanto se elixes recollela na túa oficina coma se elixes recibila por correo postal no teu domicilio. 

Se che roubaron o DNI debes presentar unha denuncia canto antes na Policía Local, en calquera comisaría da Policía Nacional ou nun cuartel da Garda Civil. E se o perdiches, tamén llo deberías notificar á Policía Nacional, aínda que non presentes denuncia. 

Hai estafadores que utilizan documentos roubados para realizar todo tipo de fraudes, así que teno moi en conta e protéxete. 

Tamén debes avisarnos: comunicarémosllelo a todas as nosas oficinas para que ninguén poida operar coa túa documentación. Faino canto antes acudindo á túa oficina ou enviando un correo electrónico a tuseguridad@abanca.com co asunto DNI PERDIDO, incluíndo o teu nome, DNI e informando de que perdiches o documento de identidade.