Canto tarda en chegar un envío de diñeiro que fixen a través da miña banca electrónica?

Se fixeches un envío de diñeiro ordinario a outro cliente de ABANCA, chegará sempre o mesmo día. Se o destinatario é unha conta doutra entidade, se fixeches a operación antes das 12.00 h chegaralle ese mesmo día. Se é máis tarde, ao día seguinte hábil. Nos envíos ordinarios, non dispomos de confirmación por parte da entidade do beneficiario de que fosen recibidos.

Á parte, agora con ABANCA podes realizar e recibir envíos de diñeiro inmediatos na zona SEPA. Se escolles esta modalidade, o diñeiro que envíes chegaralle ao seu receptor en menos de 20 segundos se a entidade de destino está adherida a este servizo.