ABANCA

1. Quen é o responsable do tratamento?

ABANCA GENERALES DE SEGUROS Y REASEGUROS, S.A., con NIF A-14715270 (en adiante, “ABANCA Seguros Generales”).

2. Cal é a orixe dos teus datos persoais e que datos tratamos?

2.1. Fontes das que proceden os teus datos: Os teus datos persoais tratados por ABANCA Seguros Generales poden proceder de ti mesmo, ser xerados en ABANCA Seguros Generales, ou ter a súa orixe en fontes externas: i) datos facilitados por ti; ii) datos facilitados por ABANCA Corporación Bancaria, S.A. nos procesos de contratación de seguros que leves a cabo a través da súa rede de distribución; iii) datos xerados sobre ti derivados da propia xestión, desenvolvemento e mantemento das relacións contractuais ou precontractuais que manteñas con ABANCA Seguros Generales; iv) entidades encargadas da xestión das continxencias recollidas no contrato de seguro que manteñas con ABANCA Seguros Generales; v) empresas do Grupo Económico de ABANCA Corporación Bancaria, S.A.; vi) ficheiros comúns do sector de seguros (p.ex. ficheiros de selección e tarificación de riscos e ficheiros para a elaboración de estudos técnicos e estatístico-actuariais); vii) fontes accesibles ao público (p.ex., censo promocional, diarios e boletíns oficiais ou redes sociais abertas); e viii) ficheiros de información sobre solvencia patrimonial e crédito (p.ex., ASNEF).

No caso de que proporciones datos de terceiros, especialmente no caso de datos de saúde, garantes que contas co consentimento expreso e explícito de ditos terceiros para comunicar a ABANCA Seguros Generales os seus datos. Así mesmo, garantes que os terceiros cuxos datos proporciones foron debidamente informados dos tratamentos que ABANCA Seguros Generales levará a cabo con eses datos, tratamentos que se atopan aquí recollidos na presente Información básica sobre protección de datos persoais.

2.2. Categorías de datos persoais: Os datos que tratamos corresponden ás seguintes categorías: i) datos identificativos e de contacto; ii) datos referidos á túa voz; iii) datos de sinatura (manuscrita e, se é o caso, dixitalizada) e datos relativos a códigos ou claves de identificación; iv) datos dos seguros contratados; v) categorías especiais de datos (p.ex., os datos de saúde dos asegurados necesarios para a formalización e xestión dos seguros de saúde, así como para a tramitación e xestión dos sinistros ocorridos); vi) datos sobre os sinistros ocorridos; vii) datos persoais de terceiros que se atopen baixo a cobertura da póliza (p.ex., membros da unidade familiar); viii) datos de circunstancias persoais, familiares e sociais; ix) datos sociodemográficos; x) datos académicos e profesionais; xi) datos de emprego; xii) datos da actividade comercial; xiii) datos económicos e de solvencia patrimonial; xiv) datos financeiros; xv) datos transaccionais; xvi) datos inferidos ou deducidos da análise e tratamento do resto de categorías de datos persoais; xvii) datos biométricos (non pertencentes ás categorías especiais de datos); xviii) datos de situación xeográfica; xix) datos de persoas sobre as que existen sancións e contramedidas financeiras internacionais.

3. Para que tratamos os datos persoais e baixo que lexitimación?

A continuación, informámoste sobre os distintos tratamentos dos teus datos persoais dos que ABANCA Seguros Generales é responsable, coa especificación das respectivas bases xurídicas que os lexitiman e as finalidades de cada un deles:

3.1. Tratamentos necesarios para a execución das túas relacións contractuais ou precontractuais con ABANCA Seguros Generales. Co obxectivo de executar as relacións contractuais ou precontractuais que establezas con ABANCA Seguros Generales e, polo tanto, para poder proporcionarte os produtos e prestarte os servizos que sexan obxecto desas relacións, levaremos a cabo os seguintes tratamentos: i) trataremos os teus datos para a formalización, mantemento e cumprimento das túas relacións contractuais ou precontractuais con ABANCA Seguros Generales (o que comprende recibir as solicitudes de información ou de contratación que realizases sobre os nosos produtos de seguro ou sobre os nosos servizos; levar a cabo a análise e valoración do risco mediante a aplicación de técnicas actuariais e estatísticas para, se é o caso, proceder á alta da operación solicitada mediante a sinatura do correspondente contrato; manter, desenvolver e controlar as túas relacións de seguro con ABANCA Seguros Generales; consultar datos relativos ao incumprimento por parte túa de obrigas dinerarias, financeiras ou de crédito que figuren en sistemas comúns de información crediticia, como, por exemplo, o ficheiro ASNEF; enviarte comunicacións non comerciais estritamente relacionadas cos produtos e servizos que teñas contratados; con previo aviso, gravar as conversas telefónicas que manteñas connosco; analizar e xestionar situacións de impagos que poidan producirse; ou xestionar a aplicación de bonificacións, descontos ou calquera outras condicións promocionais, así como a entrega de premios e/ou agasallos promocionais que, se é o caso, estivesen asociados ou fosen de aplicación á relación contractual establecida con ABANCA Seguros Generales); ii) o necesario tratamento dos teus datos persoais de saúde, para a determinación da asistencia sanitaria que haxa que facilitarche en virtude das coberturas recollidas no contrato, así como para o adecuado aboamento aos prestadores sanitarios ou o reintegro ao asegurado ou beneficiario dos gastos de asistencia sanitaria, todo iso en execución do Contrato de Seguro e de conformidade co previsto na normativa específica de seguros, máis concretamente a Lei/2015, do 14 de xullo, de ordenación, supervisión e solvencia das entidades aseguradoras e resaseguradoras; iii) adicionalmente e para o resto de tratamentos dos teus datos de saúde necesarios para a execución do contrato, tanto con carácter previo ao establecemento da relación contractual como durante o desenvolvemento e execución da mesma, fundaméntase no consentimento expreso que prestarás a través da sinatura e aceptación dos correspondentes documentos e das solicitudes de autorización ao efecto ofrecidas por ABANCA Seguros Generales.

3.2. Tratamentos realizados para o cumprimento de obrigas legais. Para cumprir coas obrigas legais que nos resulten aplicables en cada caso, poderemos tratar os teus datos coa finalidade de: i) dar resposta, se procede, ás solicitudes de información realizadas polas administracións e organismos públicos e xuíces e tribunais competentes; ii) consultar listas de persoas e entidades suxeitas a sancións e contramedidas financeiras internacionais (p.ex.: lista de cidadáns especialmente designados e persoas bloqueadas no Departamento do Tesouro dos Estados Unidos “SDN List” -http://sdnsearch.ofac.treas.gov-), xa sexa de forma directa ou a través de ferramentas de consulta e bases de datos facilitadas por terceiros; e iii) consultar e enriquecer ficheiros comúns do sector seguros para a elaboración de estudos técnicos e estatístico-actuariais. Estes datos poden ser compartidos co Consorcio de Compensación de Seguros e con entidades privadas por razóns de resaseguro, coaseguro ou xestión da póliza.

3.3. Tratamentos realizados por interese lexítimo de ABANCA Seguros Generales. Tratamos os teus datos persoais, agás os catalogados como sensibles (saúde, etc.) en base á satisfacción dos intereses lexítimos perseguidos por ABANCA Seguros Generales, e na medida en que sobre eses intereses lexítimos non prevalezan os teus propios intereses ou dereitos e liberdades fundamentais, para as seguintes finalidades: i) previr a fraude na contratación e durante a provisión ou execución dos nosos produtos e servizos que poida derivar nun prexuízo para ti, para terceiros e/ou para ABANCA Seguros Generales; ii) elaborar, facendo uso exclusivamente de datos procedentes das nosas fontes internas, perfís comerciais (o que nos permite analizar e predicir as túas preferencias persoais, situación económica, intereses, localización xeográfica e comportamento) e perfís de risco en materia de seguros con fins comerciais (o que nos permite avaliar, en base á túa situación particular, os eventuais riscos asegurables nos que poidas incorrer) para poder ofrecerche información publicitaria axustada a ditos perfís, sobre os nosos produtos e servizos similares aos que teñas contratados; iii) ofrecerche información publicitaria sobre produtos e servizos similares aos contratados; iv) realizar enquisas de satisfacción dos nosos produtos e servizos contratados; e v) anonimizar os teus datos persoais para a realización de estudos estatísticos e históricos que permitan recoñecer e analizar factores e pautas de comportamento comúns co fin de elaborar estudos sobre a evolución da carteira de produtos e a identificación de posibles modelos predictivos ou estudos retrospectivos que contribúan a unha xestión máis eficiente do negocio. En calquera momento, poderás exercer o teu dereito de oposición ao envío de dita información publicitaria, así como ao tratamento dos teus datos para a elaboración dos perfís mencionados no apartado ii) ou para a realización das enquisas citadas no apartado iv), dirixíndote ao enderezo de correo electrónico dpo.abancagenerales@abancaseguros.com.

3.4. Tratamentos realizados co teu consentimento.

Exclusivamente no caso de ter solicitado e obtido o teu previo consentimento a tal efecto, poderemos realizar os seguintes tratamentos dos teus datos persoais:

3.4.1. Ofrecerche información publicitaria axustada ao teu perfil sobre produtos e servizos das empresas do Grupo Económico de ABANCA Corporación Bancaria, S.A. e de colaboradores. Trataremos os teus datos persoais para ofrecerche, a través de calquera medio (correo postal, teléfono, mensaxes de calquera tipo ao teléfono móbil -SMS ou mensaxes push-, correo electrónico, redes sociais e mensaxes de Whatsapp ou as nosas app), información axustada aos teus perfís comercial e de risco en materia de seguros (é dicir, adaptada aos teus intereses, necesidades e preferencias) sobre produtos e servizos das empresas do Grupo Económico de ABANCA Corporación Bancaria, S.A. (en adiante, “Grupo Económico de ABANCA”), así como de terceiros colaboradores de ABANCA Seguros Generales (empresas coas que ABANCA Seguros Generales mantén acordos de colaboración comercial).

3.4.2. Ceder os teus datos a empresas do Grupo Económico de ABANCA para facilitar os seus procesos de contratación contigo. Compartiremos os teus datos persoais con empresas do Grupo Económico de ABANCA co fin de facilitar e axilizar a análise e a posible formalización dun contrato ou precontrato que solicitases á correspondente empresa do Grupo Económico de ABANCA destinataria dos datos; ou ben para facilitar e axilizar a xestión e execución dun contrato ou precontrato que xa manteñas coa correspondente empresa do Grupo Económico de ABANCA destinataria dos datos.

3.4.3. Ceder os teus datos a empresas do Grupo Económico de ABANCA para que poidan ofrecerche información publicitaria axustada ao teu perfil sobre os seus produtos e servizos. Compartiremos os teus datos persoais con empresas do Grupo Económico de ABANCA para que tales empresas elaboren ou actualicen o teu perfil comercial e o teu perfil de risco en materia de seguros ou, se é o caso, o teu perfil de risco crediticio, e, facendo uso de tales perfís, poidan preparar, para ofrecércha, información publicitaria axustada aos mesmos (é dicir, adaptada aos teus intereses, necesidades, preferencias, capacidade de aforro e capacidade crediticia) sobre os produtos e servizos que comercialicen en cada momento; información que, en consecuencia, ditas empresas faranche chegar de forma directa e a través de calquera medio (incluído o correo electrónico, as mensaxes SMS e outros medios de comunicación electrónica equivalente).

3.4.4. Elaboración do teu perfil comercial e do teu perfil de risco en materia de seguros coa finalidade de contratar o seguro e con fins comerciais facendo uso de fontes externas. Enriqueceremos a información sobre ti da que xa dispoñemos a través das nosas fontes internas (é dicir, a información que fose facilitada por ti ou xerada en ABANCA Seguros Generales con motivo da xestión dos produtos e servizos que contratases con ABANCA Seguros Generales), con outros datos sobre a túa persoa proporcionados por distintas fontes externas, tales como rexistros públicos (como, p.ex., o Rexistro da Propiedade, o Rexistro Mercantil, o INE e o Catastro); fontes accesibles ao público (como, p.ex., listados públicos de persoas asociadas a colexios profesionais, diarios e boletíns oficiais, medios de comunicación social e redes sociais abertas); as empresas do Grupo Económico de ABANCA ás que autorizases que nos cedan os teus datos persoais para a elaboración pola nosa parte do teu perfil comercial e do teu perfil de risco en materia de seguros; ferramentas e bases de datos de geomarketing; datos de navegación en páxinas web ou aplicacións de terceiros, no caso de que aceptases o uso de cookies e outras tecnoloxías similares nos dispositivos de navegación correspondentes; así como os ficheiros comúns do sector de seguros (p.ex., ficheiros de selección e tarificación de riscos e ficheiros para a elaboración de estudos técnicos e estatístico-actuariais) e ficheiros de solvencia patrimonial e crédito (como, p.ex., ASNEF). Todo iso co propósito de elaborar respecto de ti un perfil comercial e un perfil de risco en materia de seguros con fins comerciais máis completos e con máis profundidade que os elaborados con fontes internas, así como para completar a contratación do teu seguro cun perfil de risco máis axustado, o que nos permitirá personalizar de modo máis certeiro as ofertas que che dirixamos en relación cos nosos produtos e servizos, incluíndo a elaboración dunha tarifa ou prezo personalizados en función do teu perfil.

3.4.5. Manter o tratamento dos teus datos persoais unha vez finalizada a nosa relación para a xestión dunha nova solicitude. Conservaremos os teus datos persoais unha vez finalizada a nosa relación contigo, e por un prazo máximo de 5 anos, para xestionar as novas solicitudes de produtos ou servizos que poidas formularnos.

3.4.6. Manter o tratamento dos teus datos persoais unha vez finalizada a nosa relación para continuar enviándoche información publicitaria axustada ao teu perfil sobre produtos e servizos de ABANCA Seguros Generales. Conservaremos os teus datos persoais unha vez finalizada a nosa relación contigo, e por un prazo máximo de 5 anos, para continuar enviándoche, a través de calquera medio (correo postal, teléfono, mensaxes de calquera tipo ao teléfono móbil –como SMS ou mensaxes push–, correo electrónico, redes sociais, Whatsapp ou as nosas app), información publicitaria axustada aos teus perfís comercial e de risco en materia de seguros (é dicir, adaptada aos teus intereses, necesidades e preferencias) sobre produtos e servizos propios de ABANCA Seguros Generales.

3.4.7. Manter o tratamento dos teus datos persoais unha vez finalizada a nosa relación para continuar enviándoche información publicitaria axustada ao teu perfil sobre produtos e servizos de empresas do Grupo Económico de ABANCA e de colaboradores. Conservaremos os teus datos persoais unha vez finalizada a nosa relación contigo, e por un prazo máximo de 5 anos, para continuar enviándoche, a través de calquera medio (correo postal, teléfono, mensaxes de calquera tipo ao teléfono móbil –como SMS ou mensaxes push–, correo electrónico, redes sociais, Whatsapp ou as nosas app), información axustada aos teus perfís comercial e de risco en materia de seguros (é dicir, adaptada aos teus intereses, necesidades e preferencias) sobre produtos e servizos das empresas do Grupo Económico de ABANCA e de terceiros colaboradores de ABANCA Seguros Generales (empresas coas que ABANCA Seguros Generales mantén acordos de colaboración comercial).

4. Con quen compartimos os teus datos?

O tratamento, para dar cumprimento ás finalidades anteriormente detalladas en función da base xurídica lexitimadora especificada para cada finalidade, pode implicar que os teus datos persoais sexan comunicados a terceiros, tales como: i) a ficheiros comúns do sector seguros para a elaboración de estudos técnicos e estatístico-actuariais; ii) ás entidades que xestionan os sistemas comúns de información crediticia; iii) ao Instituto de Contabilidade e Auditoría de Contas; iv) ao Consorcio de Compensación de Seguros; v) a entidades privadas por razóns de resaseguro, coaseguro ou xestión da póliza; vi) ás entidades encargadas da xestión das continxencias e servizos recollidos no contrato de seguro que manteñas con ABANCA Seguros Generales; viii) ás Empresas do Grupo Económico ABANCA e a empresas colaboradoras; ix) a mediadores de seguros; x) a provedores de servizos; xi) ás autoridades de supervisión nacionais e da Unión Europea (como, por exemplo, a Dirección Xeral de Seguros e Fondos de Pensións); xii) autoridades competentes en materia de prevención do branqueo de capitais e da financiación do terrorismo; viii) a ficheiros comúns de solvencia relativos ao cumprimento e incumprimento de obrigas dinerarias (p.ex., ASNEF); ix) á Axencia Estatal de Administración Tributaria; x) a Xuíces e Tribunais; e xi) a entidades do grupo de ABANCA Seguros Generales e provedores co obxecto de dar cumprimento á normativa en materia de sancións internacionais e consulta de listas de persoas e entidades suxeitas a sancións e contramedidas financeiras internacionais.

5. Cales son os Dereitos que che asisten?

Podes exercer os teus dereitos de acceso, rectificación, supresión, limitación, oposición e portabilidade dos teus datos persoais, dirixíndote ao Delegado de Protección de Datos de ABANCA Seguros Generales a través das canles referidas na información adicional e detallada sobre Protección de Datos que figura na política de privacidade de ABANCA Seguros Generales accesible na páxina web www.abanca.com, dentro do apartado de “Aspectos legais e de seguridade”, situado na parte inferior de dita páxina web, ou a través do enderezo de correo electrónico dpo.abancagenerales@abancaseguros.com

6. Onde podes consultar a información detallada de Protección de Datos?

Podes consultar a información adicional e detallada sobre Protección de Datos na Política de privacidade de ABANCA Seguros Generales accesible na páxina web www.abanca.com, dentro do apartado de “Aspectos legais e de seguridade”, situado na parte inferior de dita páxina web (www.abanca.com/privacidad-salud/). Na Política de privacidade tamén se detallan, respecto de cada tratamento que ABANCA Seguros Generales leve a cabo, as concretas categorías de datos utilizados en cada un deses tratamentos, e inclúese a explicación da lóxica aplicada aos perfilados que poderán realizarse sobre os teus datos persoais en función da correspondente base lexitimadora.