Sentir Común é que os gastos no che quiten o sono

Un pagamento imprevisto? Unha pequena tolería? Non hai problema. Concédete cartos a ti mesmo. Ao momento.

Co servizo Dinero Express de ABANCA podes traspasar fondos á túa conta dende a tarxeta de crédito, de forma sinxela e inmediata. Darás atendido ese gasto co que non contabas e devolveralo en 6, 10 ou 12 meses, como ti queiras.

Aplicaráseche unicamente unha comisión de aprazamento, que variará en función do prazo que seleccionases. Para 6 meses, a comisión será do 4,50%; para 10 meses, dol 5,50%; e para 12 meses, do 6%. Pagarás esta comisión canda o cargo da primeira mensualidade.

Imaxina que necesitas pasar 1.500€ da túa tarxeta Visa Clásica á túa conta corrente e elixes devolver o importe en 12 meses. Se xa es cliente de ABANCA e non pagas comisión de emisión e mantemento pola túa tarxeta (co Programa Cero Comisións é moi sinxelo!), o importe total a pagar sería 1590€ (TXN 0%; TAE 12,09%). Neste caso, a cota inicial sería de 215 € (este importe inclúe a comisión máxima por aprazamento do 6%, é dicir, 90 €) e as once cotas restantes de 125 €. O custo total do financiamento serían eses 90€.

En cambio, se a túa tarxeta Visa Clásica non está bonificada, tomando o exemplo anterior o importe total a pagar sería de 1633 € (TXN 0%; TAE 18,47%). A cota inicial sería de 215 € (este importe inclúe a comisión máxima por aprazamento do 6%, é dicir, 90 €) e as once cotas restantes de 125 €. Ademais, aos tres meses de contratación da tarxeta, cobraranse 43€ de comisión de emisión e mantemento da mesma. O custo total do financiamento serían 133 €.

Tan só che cómpre ser titular dunha das nosas tarxetas de crédito VISA ou MasterCard (excepto VISA Clip, MasterCard/ VISA Proxecta e VISA Caixa Porvenir). Poderás solicitar unha ou varias operacións de Dinero Express, polas cantidades que desexes, cun mínimo de 300 €, e cun máximo igual ao saldo dispoñible da tarxeta. Pero lembra que tes que contar coa comisión de aprazamento para calcular o límite máximo.

Por cada que vez que traspases diñeiro dende a tarxeta á túa conta xerarase un cargo independente, na data que estableceses como día de pagamento na tarxeta. A medida que vaias amortizando esta operación volverás dispor do saldo na túa tarxeta de crédito para o que necesites.

A cota mínima mensual é de 25 € (se transfires 300 €, que é o mínimo, e adías os pagamentos ao prazo máximo, que son 12 meses). Esta cota poderá varia en función do prazo e importe que solicites.

Solicita xa o servizo Dinero Express, sen trámites, nin papeis e en calquera momento. Só tes que chamar ao 981 910 522 ou acudir á túa oficina máis próxima. Ou se o prefires na banca electrónica o na túa app de ABANCA, dentro da opción Tarxetas, ao seleccionares Traspasos de tarxeta a conta. Así de sinxelo e cómodo.

Coas túas tarxetas revolving VISA Clip ou Visa Proxecta poderás traspasar diñeiro de xeito instantáneo desde a túa tarxeta á túa conta. Só pagarás os xuros de aprazamento que se indican na información referida aos custes de cada tarxeta.

E seguirás a pagar a mesma cota mensual que elixiras para á túa tarxeta, non se modificará.

Traspasa cartos da túa tarxeta á túa conta cando e onde queiras: desde a túa banca electrónica, a túa app de ABANCA, por teléfono ou na túa oficina ABANCA habitual. E se o que che fai falla son cartos, podes realizar a operación desde calquera caixero ABANCA.

Para empregares o servizo de Dinero Express debes dispor dunha tarxeta de crédito. Contrata unha das nosas tarxetas e tíralle proveito dende o momento no que se aprobe a concesión da túa tarxeta. Ademais, contarás con todas as vantaxes que as tarxetas ABANCA teñen para ti.