Tes tres formas de descargares a aplicación da banca electrónica no teu dispositivo móbil, unha para cada sistema operativo, e de forma totalmente gratuíta:

• podes descargala dende Google Play, se utilizas un móbil ou tableta Android,
• dende Apple Store se utilizas un iPhone ou iPad, é dicir, un sistema operativo IOS,
• e dende BlackBerry World se usas Blackberry.

Se tes un móbil con sistema Android, poderás consultar as túas transferencias favoritas na estrela situada na parte superior da dereita. 

No caso de ter un móbil con sistema iOS, poderás consultalas en 'Favoritos', na parte situada debaixo do saldo da túa conta.

Deste xeito terás as túas transferencias habituais a un só clic.

As operacións realizadas na túa banca electrónica ou na app de banca móbil  teñen unha comisión menor que as realizadas en oficina.

Ademais, se pertences ao Programa Cero Comisións a maioría de operacións serán gratuítas para ti. Podes consultar o detalle do custo de cada operación. 

O teu usuario para acceder á túa banca electrónica é o teu NIF ou NIE con letra. Lembra que se debe teclear sempre con 8 díxitos + letra, incluíndo tamén os ceros que teña á esquerda. Por exemplo: 00123456A.

No caso de que non dispoñas de NIF, o teu código de usuario será o teu número de contrato de banca a distancia. Para acceder á túa banca electrónica, tes que utilizar ese usuario e un PIN.

O PIN é un número secreto de 4 ou 6 cifras. Se non o lembras, podes solicitar un novo desde a páxina de acceso á banca electrónica ou na túa app móvil. Solicitarémosche uns datos para obter o novo PIN. 

E, por suposto, para acceder tes que ter contratado os nosos servizo de banca a distancia (banca electrónica, banca móbil e banca telefónica), así que, se aínda non o tes ou non dispós de claves de acceso, podes solicitalas directamente nesta web. Podes realizar a contratación totalmente online de forma rápida e sinxela.

 

Coa app de banca móbil de ABANCA podes asinar comodamente algúns dos produtos máis solicitados polos nosos clientes. Firma ABANCA está dispoñible para a tramitación de contas, préstamos persoais, tarxetas de crédito, seguros, plans de pensións, a Tarifa Plana Seguros e moitos outros, así como para diferentes produtos destinados a empresas. Ademais, tamén poderás asinar co móbil durante as distintas fases de contratación doutros produtos (hipotecas, créditos para empresas, etc.), co que che será máis cómodo tramitar eses produtos. Por iso facémolo, pola túa comodidade. Pregunta ao teu xestor durante a contratación, darache todos os detalles.