Sobre Operacións dende o estranxeiro

Se tes unha conta en divisas (libras, dólares, etc,…) poderás realizar un traspaso desde esa conta a outra en euros e viceversa. Tamén podes facer envíos de divisas a contas doutros bancos.

Podes conectarte á banca a distancia de ABANCA en calquera lugar, tanto en España como no estranxeiro. Para iso, tes tres opcións:

• Coa app de banca móbil de ABANCA para Android Serás redirixido a outro sitio webe iOSSerás redirixido a outro sitio web.
• Accedendo ao ‘Área cliente’ na parte superior da web desta web.
• Ou por banca telefónica, coas túas claves e chamando ao 981 179 600 (ou ao +34 981 179 600 se nos chamas desde o estranxeiro)

Os datos que che solicitaremos son o teu NIF e PIN. Se non dispós de claves de banca a distancia, podes solicitalas aquí.Serás redirixido a outro sitio web

Se es usuario de banca electrónica de empresas, normalmente o código de usuario de acceso correspóndese co teu NIF, accede desde aquí.Serás redirixido a outro sitio web

Se desexas abrir unha conta en ABANCA pero non resides en España, é necesario que te poñas en contacto cun dos nosos xestores que te axudarán en todo o que necesites. Para a alta, necesitarás a seguinte documentación:

• Un documento identificativo como o pasaporte, NIF ou un documento oficinal estranxeiro.
• A declaración de residencia fiscal.
• Un certificado fiscal expedido pola facenda do país no que estés residindo.
• Un certificado fiscal de convenio expedido pola facenda do país no que resides.
• O teu domicilio no estranxeiro e en España.
• O teu número de identificación fiscal do país onde resides.

Ademais desta documentación que é obrigatoria, agredecemos que aportes tamén o número de teléfono móbil e fixo do país no que estés residindo e España, así como o mail para poder ofrecerche en todo momento os mellores servizos.

Podes consultar as túas contas dende calquera lugar do mundo, só precisas unha conexión a internet e ter o servizo de banca electrónica ou móbil activados. 

Se tes dificultades para conectarte ou operar coa túa banca electrónica porque non recibes os SMS de acceso e firma, os máis recomendable é que instales a app de banca móbil de ABANCA. 

Poderás realizar as operaciónes máis habituais dende o teu smartphone coa aplicación de banca móbil de ABANCA. Se non te chega o SMS para a instalación, pulsa na opción "Chamámoste" e ditarémosche a clave para finalizar a instalación.

Unha vez instalada a app móbil, en lugar de enviarche un SMS, enviarémosche unha notificación ao teu móbil e mesmo poderás xerar a clave no teu teléfono se non tes conexión de datos nese momento.

 Se segues sen recibir o SMS, podes chamarnos ao 900 815 522 (ou ao +34 981 910 522 se
nos chamas desde o estranxeiro)