Sobre Datos persoais

É ABANCA Corporación Bancaria S.A.

Na nosa páxina web (www.abanca.com) informarémoste sobre a identidade do noso Delegado de Protección de Datos (DPD ou DPO), con quen poderás contactar a través do enderezo de correo electrónico privacidad@abanca.com

O noso obxectivo é merecer a confianza dos nosos clientes, e por iso utilizaremos os teus datos unicamente para:

• Xestionar os servizos e produtos de ABANCA que nos solicites ou teñas contratados
• Cumprir coas obrigas legais e reguladoras que debemos observar
• Previr o fraude na contratación e protexer a túa identidade
• Ofrecerche só produtos e servizos que resulten realmente do teu interese
• E para outras finalidades, como a realización de estudos estatísticos con datos anonimizados, garantir a defensa xurídica de ABANCA ou comunicar, sempre de acordo coa lexislación vixente, certos datos a sistemas comúns de información crediticia que utilizamos as entidades financeiras

Ademais, se queres beneficiarte doutros produtos e servizos personalizados, poderás prestar o teu consentimento a ABANCA para:

• Ofrecerche produtos e servizos de empresas do Grupo ABANCA e de colaboradores de diversos ámbitos (p.ex., do ámbito financeiro, de seguros, de servizos e produtos de consumo persoal, etc.)
• Compartir os teus datos con empresas do Grupo ABANCA para coñecer mellor os teus gustos e necesidades e acceder así a mellores ofertas e promocións
• Enriquecer a túa información con fontes externas (Rexistros Públicos, Catastro, Redes Sociais, etc.) que nos permitan seleccionar ofertas de produtos e servizos que se axusten ó teu perfil
• Conservar os teus datos unha vez finalizada a nosa relación por un prazo máximo de 5 anos con fins estatísticos, para xestionar novas solicitudes de produtos que poidas pedir se te convencemos de que volvas ou para enviarche información publicitaria do teu interese

ABANCA conservará os teus datos mentres manteñamos unha relación precontractual ou contractual contigo. E se nos prestas o teu consentimento, durante un prazo máximo de 5 anos dende a finalización da relación.

Posteriormente, e tal como establece a normativa, os teus datos serán bloqueados e, polo tanto, dispoñibles só a solicitude de Xuíces e Tribunais, o Ministerio Fiscal ou as Administracións Públicas competentes durante os prazos de prescrición legal (con carácter xeral, 10 anos por normativa de prevención de branqueo de capitais e financiamento do terrorismo, e ata 21 anos por aplicación do Código Civil e lexislación hipotecaria). Transcorridos ditos prazos, os teus datos serán eliminados.

Son os que establece a normativa de protección de datos:

• Dereito de acceso: coñecer que tipo de datos estamos tratando e as características do tratamento que estamos levando a cabo.
• Dereito de rectificación: poder solicitar a modificación dos teus datos por seren inexactos ou non veraces.
• Dereito de portabilidade: poder obter unha copia nun formato interoperable dos datos que estean sendo tratados. Aplicable a partir do 25 de maio de 2018.
• Dereito á limitación do tratamento nos casos recollidos na Lei. Aplicable a partir do 25 de maio de 2018.
• Dereito a oporse á toma de decisións automatizadas. Aplicable a partir do 25 de maio de 2018.
• Dereito de supresión: solicitar a supresión dos teus datos cando o tratamento xa non resulte necesario.
• Dereito de oposición: solicitar o cese no envío de comunicacións comerciais nos termos antes sinalados.
• Dereito a revocar o consentimento prestado.
• Dereito a interpor unha reclamación fronte á autoridade de control (en España, a Axencia Española de Protección de Datos).

Para o exercicio de calquera destes dereitos, podes dirixirte ó noso Servizo de Atención ó Cliente a través do Enderezo Postal: Rúa San Andrés 135-137, Planta Baixa (15003 – A Coruña) ou de enderezo electrónico a: atencioncliente@abanca.com

Na banca móbil, poderás acceder ao apartado de Seguridade, dentro do teu perfil, onde incorporamos varias funcionalidades que reforzan a seguridade das túas operacións e as consultas con ABANCA. Recomendámosche a activación destes controis que te axudan a estar máis seguro.

Protección de chamadas
Con este permiso poderemos recadar información sobre si estás a realizar unha chamada durante o uso da app, así como recadar datos da SIM instalada no teu dispositivo que debería coincidir co teu número na nosa base de datos, coa finalidade de incrementar a túa protección ante chamadas fraudulentas que se fan pasar por ABANCA. Para realizar estas comprobacións non é necesario facer escoitas nin acceder a audios ou á túa lista de contactos.

Acceso con localización
Unicamente trataremos os datos de localización do teu dispositivo para a túa seguridade. Ao activar a localización, axúdasnos a determinar zonas seguras para as túas operacións no caso de que descargues a nosa app desde unha localización descoñecida (por exemplo, se te conectas durante unha viaxe ao estranxeiro). Ademais, estes controis adicionais permitirannos ofrecerche unha mellor experiencia na nosa app.

Límites
Os límites na app de ABANCA serven para que ti mesmo poidas controlar a cantidade máxima de diñeiro que podes enviar a outras persoas ou a outras entidades. Podes personalizalos segundo as túas necesidades neste apartado de Seguridade e co reforzo de Llave ABANCA.

Envío de diñeiro inmediato
Podes activar o envío de diñeiro inmediato (transferencias inmediatas) se realmente o necesitas. Pedirémosche o reforzo de seguridade con Llave ABANCA para garantir maior protección nas transaccións.