Si, por suposto. Independentemente da túa idade, sempre che asignaremos o nivel con máis vantaxes que che corresponda se cumpres os requisitos do Programa Servizos ABANCA.

Se o que queres é aprazar unha compra concreta, podes facelo a través da túa banca móbil desde a pestana 'Tarxetas' > 'Máis' > 'Aprazar compras', escollendo o número de meses nos que desexas fraccionar esa compra. Tamén podes facelo desde a túa banca electrónicaSerás redirixido a outro sitio web ou coas túas claves a través de banca telefónica chamándonos ao 981 179 600 (ou ao +34 981 179 600 se nos chamas desde o estranxeiro), de luns a venres de 8 da mañá a 10 da noite.

Ademais, se o que queres é aprazar todas as compras que fagas coa túa tarxeta, tamén podes cambiar a modalidade de pago por defecto da túa tarxeta ou a cota mensual para devolver o crédito disposto en calquera momento. Iso si, lembra facelo antes de que se efectúe o cargo da cota.

Moi doado. Tes as seguintes formas de facelo:

• Entra na app de ABANCA ou a banca electrónica e usa a opción Activar tarxeta do menú 'Tarxetas'.
• Vai a calquera caixeiro de ABANCA e realizar unha operación calquera. Cando introduzas por primeira vez o PIN que che entregamos con ela, xa quedará activada.
• Ou chamándonos ao 900 815 523 (ou ao +34 981 179 625 se nos chamas desde o estranxeiro). Un servizo automático de voz pedirache uns datos da conta e da tarxeta, ten a man eses datos.

Coa tarxeta de débito ABANCA, tes ao teu dispor máis de 16.000 caixeiros en toda España, desde os que poderás retirar diñeiro en efectivo a débito sen comisións: 

• Caixeiros ABANCA.
• Fóra de Galicia podes retirar ata 5 veces ao mes nos caixeiros da rede EURO 6000, Euronet, Banco Sabadell, Bankinter, Caja de Arquitectos, Caja de Ingenieros e Euro Automatic Cash. A partir do sexto reintegro cada operación terá un custo de 0,50 € na rede Euro 6000, de 0,85 € en Euronet, 0,55 € en Bankinter e Caja Ingenieros,0,60 € en Caja de Arquitectos, e 0,65 € no Banco Sabadell e Euro Automatic Cash. No resto dos
  caixeiros cobraráseche a comisión que aplique a entidade propietaria do caixeiro.
• Rede internacional: 5 reintegros ao mes só coa tarxeta NX (neste caso, algunhas entidades poderán aplicar unha taxa de recarga polo uso dos seus caixeiros).

O límite de crédito dunha tarxeta é a cantidade máxima de diñeiro da que podes dispoñer coa túa tarxeta de crédito. Cada vez que a utilices, comprobaremos que non excedeses esa cantidade. Por exemplo, se tes un límite de 5000 euros e queres comprar algo, temos que ver o que fuches gastando, é dicir: o saldo do que xa dispuxeses antes desa compra. Así, o saldo dispoñible será o que che queda ata os 5000 euros. Despois, cada mes, cobrarémosche na túa conta segundo o que dispuxeses do límite do crédito e segundo a forma de pago que seleccionases.