App banca móbil empresas e negocios

Accede ás túas contas, xestiona os movementos ou asina as túas operacións esteas onde esteas. A app de banca móbil para empresas é a forma máis áxil de realizar as operacións bancarias do día a día do teu negocio. A calquera hora, calquera día e ¡desde o teu móbil!

É un servizo de balde e, ademais, aforrarás cartos porque moitas das operacións que poderás realizar desde a túa app son ¡de balde!

E todo isto coa maior seguridade posible, ofrecémosche os sistemas máis seguros con claves de reforzo que che permitirán operar con total tranquilidade desde o teu móbil. Ademais, terás dispoñible acceso con pegada dixital e Face ID para que te identifiques de forma sinxela na aplicación. Porén, lembrámosche que non debes descoidar a túa seguridade en ningún momento, podes consultar as nosas recomendacións cando queiras.

• Consultar a posición completa das contas da túa empresa ou negocio.
• Realizar transferencias nacionais e internacionais en calquera divisa.
• Xestionar transferencias periódicas.

• Asinar as operacións pendentes de forma instantánea desde o móbil.
• Consultar a correspondencia das contas.
• E, se tes varios contratos de banca electrónica de empresas, podes conectarte a calquera deles con só unhas claves de acceso.

Se queres empezar a utilizar a app de banca móbil de empresas, só terás que descargar e instalar a app no teléfono móbil e empezar a operar coas túas claves de banca a distancia, as mesmas que utilizas para conectarte á banca electrónica desde o ordenador.