Tarxeta NX

Se tes entre 16 e 34 anos e xestionas o teu diñeiro, a tarxeta NX é sen dúbida a mellor opción. Sobre todo se queres que non che custe nada. Con esta tarxeta, que non ten comisións nin de emisión nin de mantemento, poderás sacar cartos fóra de España até cinco veces ao mes gratis. E tampouco che cobraremos comisión por troco de divisa.

Imaxina que estás en Madison, Wisconsin (EEUU), e necesitas dólares. Poderás obter diñeiro no primeiro caixeiro que vexas, e non che cobraremos nada, nin sequera polo troco de moeda. E poderás facelo até cinco veces ao mes. A partir desa quinta vez, só che cobraremos un euro por cada retirada. Lembra que hai bancos estranxeiros que poderían cobrarche unha comisión polo uso do caixeiro, pero nós non!

Poderás tirar diñeiro totalmente gratis en todos os caixeiros de ABANCA, e fóra de Galicia ata cinco veces ao mes en calquera caixeiro da rede EURO 6000, Bankia e Banco Sabadell. Todos os bancos (en España é obrigatorio) teñen que informar desta comisión mediante unha mensaxe na pantalla do caixeiro, para que poidas confirmar ou anular a operación.

Se xa es cliente de ABANCA e aínda non tes a túa tarxeta podes solicitala no formulario de máis arriba ou achegarte á túa oficina para pedila.

Se aínda non o es, facerse cliente é moi sinxelo. Só tes que clicar en facerme unha conta en ABANCA, contratarás unha conta sen comisións e terás a túa nova NX. Para abrires a conta sen pasar pola oficina necesitarás ter a túa documentación contigo e realizar unha transferencia desde outra conta da que sexas titular. Ao rematares o proceso, terás xa o número da túa nova conta e en cuestión de días recibirás a túa tarxeta NX e as túas chaves para entrares na banca electrónica.

Se o que queres é que nos vexamos e que che expliquemos ben todas as vantaxes aplicadas ao teu caso concreto, temos as portas das nosas oficinas abertas para ti.