Sobre Outras operativas

O informe de gastos mensuais é un servizo gratuíto dispoñible nas túas contas e tarxetas de crédito que che axuda a visualizar e entender as túas finanzas de xeito sinxelo. A continuación, explicámosche as súas principais funcións.

• Detalle dos teus gastos. O gráfico móstrache un resumo dos teus gastos mensuais e compáraos cos do mes anterior. Podes ver o detalle destes gastos agrupados por categorías (como supermercados, restaurantes, saúde, etc.) e marcas. 
• Visión a longo prazo. Tes a opción de visualizar os teus gastos non só do mes en curso, senón tamén dos últimos 6 meses ou 1 ano, o que che permite identificar tendencias e hábitos de consumo ao longo do tempo. 
• Información completa. Ademais dos gastos, a ferramenta permíteche ver os teus ingresos e a media mensual dos teus movementos. Tamén che amosa as categorías e marcas nas que máis gastas. 
• Clasificación automática e personalizable. Cada movemento clasifícase automaticamente nunha categoría cunha icona representativa. Se a categoría asignada non é correcta, podes modificala e mesmo crear as túas propias etiquetas para que o teu informe sexa máis preciso e personalizado.

Como acceder?

Podes acceder a todas estas funcionalidades facendo clic no gráfico que verás na sección de Contas da app.

Ademais, tamén tes dispoñible este servizo para os gastos con tarxeta de crédito. Para acceder, fai clic na tarxeta que desexes consultar e a continuación no apartado de Saúde financeira.

Manter a túa información persoal actualizada é clave para ofrecerche o mellor servizo. Se cambias de enderezo, teléfono ou correo electrónico, por favor, actualízaos. Podes facelo das seguintes maneiras:

• Desde a app móbil. Vai ao teu perfil en Menú > Os teus datos persoais e modifica os datos que sexa necesario. Revisa ben os avisos, xa que o cambio pode afectar aos servizos que tes con nós, por exemplo Bizum ou o envío de SMS.
• Por teléfono. Chámanos ao 981 179 600. Coas túas claves de banca telefónica, solicita o cambio.
• Nas nosas oficinas. Visita calquera das nosas oficinas para actualizar os teus datos persoalmente.

Se es cliente de ABANCA e descargáchesche a app de banca móbil, é moi sinxelo. Só tes que entrar no teu app de banca móbil, seleccionar a conta desde a que desexas realizar o pago e pulsar en acceder ‘Operar’ > ‘Pago de recibos’ e capturar o código de barras da multa ou recibo (como facer unha foto). Tamén podes realizar o pago desde a túa banca electrónica ou banca telefónica chamando ao 981 17 96 00 (ou +34 981 17 96 00 se chamas desde o estranxeiro) .  

Só poderás pagar e domiciliar os recibos que indiquen que ABANCA é entidade colaboradora:

• Impostos, contribucións e taxas da túa cidade (IBI, Lixo, IVTM, etc.)
• Recibos de subministracións (luz, auga, gas, etc.)
• Recibos da Seguridade Social.
• Multas de Concellos

Para o pago de impostos e taxas de comunidades autónomas, poderás facelo na web de cada Comunidade.

E se es autónomo ou profesional, tamén poderás pagar tributos desde a banca electrónica de empresas. 

Se non tes as claves para usar a túa banca a distancia, podes contratala facilmente aquí e enviarémoschas. 

Se non es cliente, podes pagar cunha tarxeta financeira unha multa ou un recibo utilizando a nosa pasarela de pagosSerás redirixido a outro sitio web.

En ABANCA realizamos varios intentos para cobrar o recibo ata as 15 horas do día seguinte á data de cobro. Se antes dese momento non hai saldo suficiente na conta de cobro, infórmase o emisor de que o recibo foi rexeitado. Posteriormente se o provedor volve a emitir o recibo, realizarase un novo intento de cobro.

Podes xestionar os teus recibos pendentes desde:

• Banca móbil, na opción ‘Contas' > ‘Operar’ > ’Domiciliacións' acceder á empresa do recibo, pulsar no despregable e ‘Pagar recibo’.
• Banca electrónica de particulares, na opción 'Recibos e impostos' > 'Recibos pendentes'.
• Banca electrónica de  empresas, na opción 'Pagos/Domiciliacións' > 'Domiciliacións' > 'Os meus recibos pendentes'.
• Na túa oficina de ABANCA.
   

Se realizaches o envío antes das 12 h chegarán ese mesmo día a todos os destinatarios. Se enviaches o ficheiro de transferencias antes das 20 h, chegarán o mesmo día aos clientes de ABANCA e ao día seguinte hábil, ás contas doutras entidades financeiras. 

Podes consultar as túas contas na sección 'Posición Global' ou na opción 'Contas' da túa banca electrónica. Tamén podes realizar esta consulta a través de banca móbil na app de ABANCA ou no teléfono 981 179 600 (ou no +34 981 179 600 se nos chamas desde o estranxeiro) identificándote coas claves do servizo de banca a distancia.

Podes devolver un recibo domiciliado desde a túa banca móbil, pulsando sobre o movemento da conta. Abrimos o movemento e aparece unha icona que nos mostra se ‘se pode devolver’. Se é así basta con seleccionar a opción ‘Devolver recibo’ e automaticamente desaparece dos recibos cargados. Tamén podes facelo desde a túa banca electrónicaSerás redirixido a outro sitio web, na opción 'Recibos e Impostos' 

Se non dispós do servizo de banca a distancia, animámosche a que o contrates gratis e 100% online.Serás redirixido a outro sitio web

Aconsellámosche que non deas de baixa o servizo porque pode ser moi útil para ti. Por exemplo, cando fas unha compra de importe elevado con tarxeta, avisarémosche para que esteas ao tanto. 

Podes darte de baixa ou realizar modificacións desde a opción ‘Servizos Móbiles – Avisos’ da túa banca electrónica.

Tamén podes dar de baixa estas notificacións se tes as túas claves de banca telefónica, chamando ao teléfono 981 17 96 00 (+34 981 17 96 00 se chamas desde o estranxeiro).

Se non tes banca a distancia, podes solicitar a baixa do servizo de avisos na túa oficina de ABANCA.

Se necesitas billetes en moeda estranxeira para as túas viaxes ou outras cuestións, podes solicitar ou ingresar moeda estranxeira en calquera das nosas oficinas. Ten en conta que pode levarnos uns días conseguir os billetes.

Tamén podes solicitalos no 981 17 96 00 (ou no +34 981 17 96 00 se nos chamas desde o estranxeiro). Darémosche unha cita na oficina máis preta de ti para que non fagas colas e teñas os billetes preparados. 

Se es cliente de Banca a Distancia, podes ordenar  traspasos en euros ou en divisas entre as túas contas. Para iso debes acceder á opción Transferencia – A outros países da túa Banca Electrónica. Antes de realizar o traspaso confirmarémosche o tipo de cambio que se aplica na operación e os datos para que comprobes que a transacción é correcta.

Mostrámosche como obter o certificado de titularidade da túa conta desde a app de ABANCA, de forma fácil e sinxela.

Xa terás o certificado en PDF para gardar ou compartir con quen precises.

Tamén podes obtelo desde a banca electrónica. No detalle da conta, atoparás a opción de descargar o documento ao final da páxina.

Podes obter máis información nesta entrada do noso blog Contas Claras.Serás redirixido a outro sitio web

Para axudarche coa túa declaración da renda, en cada exercicio fiscal e coincidindo co comezo da campaña da Renda, facilitámosche un documento con toda a información fiscal dos produtos que tes contratados con ABANCA. Podes atopala no buzón de correo de avisos da túa banca electrónica, banca móbil ou no teu buzón dixital. Aínda que a data pode variar, adoita estar dispoñible xa desde os primeiros días do mes de abril.

Non tes banca a distancia? Podes solicitala gratis desde esta webSerás redirixido a outro sitio web, sirve para isto e para moito máis!

Na posición de cada conta móstrase o saldo dispoñible e o saldo bloqueado. O saldo bloqueado corresponde con operacións realizadas e pendentes de cargar en conta como (compras con tarxetas de débito pendentes de liquidar, bloqueo por embargo, ingreso de cheques, …). 

Para ver o detalle dos movementos retidos débese pulsar sobre o despregable

Se queres saber máis, ampliamos esta información no noso blogSerás redirixido a outro sitio web. 
 

Poñemos á túa disposición un servizo dixital de cambio de recibosSerás redirixido a outro sitio web que che permite traer a ABANCA os recibos que teñas domiciliados noutro banco de forma gratuíta.

Este servizo préstao Qwist GmbH, unha empresa tecnolóxica europea regulada pola Autoridade de Supervisión Financeira alemá.

Estamos comprometidos coa seguridade. Utilizamos as ferramentas contempladas na lei europea de openbanking para simplificar procesos como o traspaso de domiciliacións.

Durante o proceso pedirémosche os datos de acceso á banca online da entidade desde a que queres traspasar os teus recibos: só os utilizaremos para esta finalidade. Nunca consultaremos nin trataremos ningún dato persoal nin financeiro.