Non todos somos habelenciosos coas cousas da casa. Por iso, co servizo de bricolaxe podes solicitar axuda 1 ou 2 veces ao ano (3 horas máximo por visita), dependendo da compañía, para montar mobles, andeis, colocar cortinas ou instalar lámpadas. Só tes que ter contratado un Seguro Fogar ABANCA, chamar a Cáser ao 902 366 505 e solicitar este servizo de balde.

Ao ser o continente (a vivenda) propiedade de outra persoa, o habitual é que sexa o propietario ou propietaria quen asegure o inmoble. De todos os xeitos, é aconsellable que ti como inquilino asegures o contido da vivenda: mobiliario, cadros, xoias, etc. que sexan teus, e así evitarás o dano que un accidente ou roubo poida causar sobre eles.

Ademais, aínda que a vivenda doutra persoa, ti podes ser causante dun dano nela polo que debas responder, como danos na construción, nas paredes, nos canos da auga, etcétera. Así que é recomendable que teñas asegurada polo menos unha parte do continente para así ter cuberta a responsabilidade civil que se deriva del.

Si, podes aumentar e diminuír os capitais asegurados, salvo que a túa póliza estea próxima á súa renovación, neste caso terás que esperar uns días.

Se aumentas o continente ou contido, xerarase un recibo pola diferenza de prima que xurda.

E se queres reducilos, recomendámosche que acudas á túa oficina para sempre teñas asegurada a túa vivenda por un capital suficiente xa que, en caso dun sinistro importante, a indemnización podería non alcanzar o dano que realmente sufrises.

Nun seguro de fogar, os bens que se poden asegurar divídense en continente e contido; é aconsellable que te familiarices con estes dous termos porque non basta con ter contratado un seguro para a nosa casa, tamén é necesario que estea ben feito e realizar unha correcta valoración dos teus bens.

O continente fai referencia á edificación en si e engloba estes elementos:

• Estrutura da vivenda: parede, teito…
• Construcións anexas: rochos, garaxes, instalacións deportivas…
• Instalacións: tubaxes, cableados…
• Elementos decorativos: parqué, pintura, moldura…

O contido engloba as pertenzas que se atopan dentro da vivenda ou rocho, como o mobiliario, electrodomésticos, enxoval, roupa ou alimentos, entre outros.

Un exemplo sinxelo que che vai a axudar a entender ambos os conceptos: se puidésemos poñer boca abaixo a nosa casa, o continente é todo o que permanecería no seu sitio e o contido todo o que caería.