Oficinas, horarios, valores

ABANCA Corporación Bancaria é un grupo financeiro español e a nosa sede está en Betanzos. Estamos suxeitos á lexislación e supervisión das autoridades de España e a Unión Europea, formamos parte do rexistro de entidades financeiras do Banco de España e contamos co respaldo do Fondo de Garantía de Depósitos.

O horario de caixa é aquel no que se poden realizar operacións que necesitan intercambio de efectivo ou de moeda estranxeira. No noso buscador de oficinas podes atopar información actualizada e polo miúdo sobre o horario de caixa.

Ten en conta que existen varios tipos de oficina, con diferentes horarios e servizos, e que hai horarios específicos para certas operacións, de tal forma que poidamos darche a mellor atención cando o necesites. 

Tamén temos varias oficinas rápidas para as túas operacións habituais que, ademais de abrir polas mañás (de 8:15 a 14:00), abren polas tardes, en horario de inverno, de luns a xoves en horario de 16:30 a 18:15, con servizo de caixa durante todo o día.

As oficinas de atención parcial están situadas en poboacións pequenas que ABANCA non quere deixar sen servizos financeiros. Por iso, nestas localidades ABANCA abre a oficina dous ou tres días á semana. Consulta no mapa de oficinas o seu horario particular.

​En ABANCA contamos cunha rede de oficinas especializadas para atender as necesidades de pemes e empresas. Podes coñecer o seu horario e a forma de poñerte en contacto no noso buscador. Se o prefires, tamen podes solicitar que sexa un xestor o que se poña en contacto contigo: podes facelo desde a nosa sección para pemes ou na dedicada a solucións para grandes empresas.

Para que che sexa doado identificar o horario das oficinas que aparecen no noso mapa de oficinas, sinalámoschas con distintas cores.

• En azul, as oficinas onde te atendemos en horario de mañá. Ademais, durante o horario de inverno (do 15 de setembro ao 15 de xuño), tamén te atenderemos para xestións comerciais, como solicitar contas, empréstitos etc., os luns, martes, mércores e xoves á tarde. Para iso terasnos que pedir cita previamente no teléfono 900 815 200.
• En verde, as oficinas rápidas para as túas operacións diarias máis habituais, con servizo de caixa continuo. 
• Con círculo branco, e marcadas coas siglas O.E., atoparás as oficinas de empresas.
• En gris e azul, as oficinas de atención parcial, que abren algúns días da semana para darlle servizos a pequenas poboacións.

 

ABANCA dispón de oficinas de representación en Londres, Frankfurt, París, Zúric, Xenebra, Caracas, Río de Xaneiro, Panamá e Cidade de México. Ademais, dispoñemos de oficinas operativas en Portugal (41 oficinas), Miami, Xenebra e México (Financeira SOFOM). Descubre aquí o preto que nos atopamos!

 

Podes solicitar unha cita previa para xestións comerciais como solicitar contas, préstamos etc. Tamén, se tes que realizar trámites dunha herdanza ou porque o teu fillo é maior de idade e se cambiaron os autorizados da conta.                                                                                         

Para xestións nas que sexa necesario diñeiro en efectivo, xestión de cheques, pagar recibos, multas, taxas, licenzas… non necesitas solicitar unha cita: comproba cal é o horario de caixa da túa oficina.

Para outras xestións como consultar saldos, movementos, facer transferencias, devolver un recibo, apagar unha tarxeta ou amortizar un préstamo ou un gasto con tarxeta, tampouco necesitas solicitar unha cita. Para estas consultas e operacións e moitas outras tes ao teu dispor a app da banca móbil ou a banca electrónica. Tamén podes utilizar a banca telefónica coas túas claves de Banca a distancia, chamando ao 981 17 96 00 (+34 981 17 96 00 se chamas desde o estranxeiro).

En todas, en horario de inverno (desde o 16 de setembro ao 14 de xuño), de luns a xoves con cita previa e só para as xestións comerciais como solicitar contas, préstamos, etc… porque non temos horario de caixa polas tardes.

Para solicitar unha cita previa chama ao 900 815 200 e indícanos o motivo, a que oficina queres ir e a que hora. Se necesitas realizar unha operación de efectivo, tes ao teu dispor os nosos caixeiros as 24 horas do día. 

E se as xestións profesionais as realizas coa túa oficina de empresas, lembra que ten un horario diferente: en inverno, de luns a xoves de 8:15 a 17:00 e os venres, de 8:15 a 14:15. En verán, do 15 de xuño ao 15 de setembro, de luns a venres de 8:15 a 14:15.

Para xestións nas que cumpra diñeiro en efectivo ou cambio de moeda, non debes solicitar unha cita: atenderémoste en horario de caixa que podes consultar no noso buscador de oficinas. Busca a túa oficina máis próxima e consúltao.

Para o mesmo día non che podemos dar unha cita, pero buscaremos a data e a hora máis próxima na túa oficina. O teléfono de cita previa é o 900 815 200 para xestións comerciais como solicitar contas, préstamos etc. para o resto non necesitas cita, podes acudir á oficina no horario de caixa.

Desde a túa app da banca móbil, no apartado de ‘O teu perfil’ podes pedir unha cita co teu xestor, xa sexa para informarte sobre algún produto ou servizo que che interese ou para algunha xestión sobre os teus produtos xa contratados: modificar titulares dunha conta, xestionar algún dos teus seguros, tramitar unha herdanza ou cancelar contas, entre outros. Se non dispós desa opción na túa app, accede á información sobre o servizo de cita previa nesta ligazón.

Lembrámosche algunhas operacións para as que non cómpre que solicites unha cita. 

Consulta como as podes xestionar: 

• Xestións de efectivo ou cambio de moeda estranxeira
• Enviarlle diñeiro a outra persoa ou banco
• Bloquear unha tarxeta perdida ou roubada 
• Sospeita de fraude