O 14 de setembro de 2019 entra en efecto unha directiva da Unión Europea que afectará a calquera persoa que teña unha conta ou unha tarxeta bancaria. O obxectivo principal de PSD2, que é como se chama comunmente a esta directiva, é mellorar a túa seguridade, o que nalgúns casos pode conlevar cambios na túa operativa diaria.

POR FAVOR, RECORDA

  • captacion-prestamo-1

    Revisa

    Comproba que o teu móbil está actualizado. Se xa recibes mensaxes de ABANCA, non terás que cambiar nada!

  • captacion-prestamo-2

    Actualiza

    Se operas con banca móbil ou banca electrónica e non tes actualizado o teu móbil, visita á túa oficina

  • captacion-prestamo-3

    Protexe

    Se unha app ou servizo quere acceder aos teus datos financeiros en ABANCA, actúa por favor con cautela e responsabilidade.

Xa utilizas a app de banca móbil de ABANCA?

Boas noticias: se utilizas a nosa app de banca móbil non tes que realizar ningunha xestión e non notarás cambios na túa operatoria. Se, ademais de conectarte a través da app, operas por internet desde o teu ordenador ou tablet e accedes á banca electrónica, tampouco che afectará.

Unha das melloras da PSD2 é a Autenticación Reforzada de Clientes, unha capa extra de seguridade para a túa conta. Cada vez que entras na app de ABANCA xa o fas desta forma, por isto non precisamos que fagas nada. Aínda así, recomendámosche que actualices a túa app para asegurarte de que tés sempre a última versión.

Xestionas o teu diñeiro desde un ordenador? Contámosche por que necesitas o móbil

Se aínda non te descargaches a app de banca móbil e só utilizas a túa banca electrónica para xestionar o teu diñeiro (a área privada á que accedes desde a páxina de inicio desta web) e, ademais, se non temos o teu número de teléfono móbil, desde o 14 de setembro de 2019 non poderás operar.

De acordo á nova normativa comunitaria, e pola túa seguridade, a partir desa data recibirás un código de verificación para realizar certas operacións. Por exemplo, para acceder á túa conta en liña; para iniciar unha operación de pago electrónico, para enviar diñeiro a contas doutras persoas, para realizar pagos con tarxetas ou confirmar a túa identidade se levas tempo sen conectarte.

Se queres seguir operando con normalidade, visita por favor a túa oficina para actualizar os datos do teu móbil. Despois xa poderás operar con toda normalidade e, se queres, poderás descargarcte a app de banca móbil, unha das mellores do sector, con todo o que necesitas e as maiores medidas de seguridade.

Acceso de terceiros: sé responsable

Outro dos grandes obxectivos de PSD2 refírese á posibilidade de que autorices a terceiros (aplicacións, servizos, etc) a consultar os teus datos, a información financeira sobre ti que custodiamos e a realizar pagos no teu nome. Sempre coa túa autorización previa. Por iso, e máis que nunca, debes ser coidadoso e responsable cos teus datos. No noso blog contámosche por que.

Para saber máis...

dúbidas

  • Que é exactamente a Autenticación Reforzada de Clientes (SCA) e que significa para min?

    A Autenticación Reforzada de Clientes, tamén coñecida como “ Strong Customer Authentication” ou “ SCA” polas súas siglas en inglés, supón a aplicación de novas medidas de seguridade que farán que os pagos con tarxeta sexan aínda máis seguros, xa que será a forma na que imos identificarte cando ordenes pagos en comercios presenciais ou por internet.

    Así, cando realices determinados pagos, pedirémosche dous do seguintes tres tipos de factores de autenticación:

    • Coñecemento: algo que sabes, como un contrasinal.
    • Posesión: algo que posúes, como un contrasinal  dun só uso enviada ao teu smartphone ou unha tarxeta de pago.
    • Inherencia: algo que "es", por exemplo, elementos biométricos como o recoñecemento facial ou a pegada dactilar.

    Estas novas medidas foron deseñadas para darche aínda máis confianza e protección ao pagar.

    Cando pagues coa túa tarxeta en tendas ou comercios físicos, o único que vas notar é que é posible que che pidamos que introduzas o teu PIN con máis frecuencia, mesmo aínda que se trate de importe pequenos. Cando compres online, xa non che pediremos que introduzas unicamente o número da tarxeta e a data de caducidade, senón que che pediremos dúas dos tres posibles tipos de factores de autenticación mencionados anteriormente

    Palabras descoñecidas

    Copiar

  • Teño que facer algo para que as novas medidas de seguridade funcionen?

    É importante que teñamos unha canle de comunicación contigo para poder pedirche e que nos poidas mandar os factores de autenticación de forma segura, por iso, é necesario que te asegures de que temos os teus datos actualizados, en particular, o teu número de móbil.

    Ademais, se queres facer compras por internet deberás estar dado de alta na nosa banca electrónica, se aínda non o estás debes acudir a unha das nosas oficinas.

    Se te descargas a nosa app, todo o proceso será máis sinxelo. Tamén deberás descargarche nosa app, para que os pagos ademais de seguros, sexan cómodos e rápidos.

NO BLOG