Empréstito ou leasing Novos Investimentos

Obtén financiamento para os teus proxectos de novo investimento empresarial cunhas condicións inmellorables, e dota o teu negocio das melloras que necesita para continuar avanzando.

O único que necesitas é ser unha empresa con domicilio fiscal en Galicia e utilizares este empréstito para anovar os activos fixos do teu negocio. É dicir, co Plan Activamos, que puxemos en marcha coa colaboración das catro deputacións provinciais galegas, poderás investir esta axuda en adquirir e mellorar propiedades, instalacións e equipo da túa empresa: automóbiles, maquinaria, mobles, terreos…

Co Empréstito Novos Investimentos poderás beneficiarte de todo isto cunhas condicións espectaculares:

• tipos de xuro reducidos,

• ningunha comisión de amortización nin de cancelación anticipada,

• amplos prazos para conseguir cotas máis cómodas e asequibles,

• con carencia opcional de amortización de ata un ano para darche tempo a xerar ingresos a partir dos investimentos que fagas. Durante este período só terás que facer fronte ao pago de xuros sobre o capital pendente.

Solicita até 600.000 € e devólveos nun prazo de ata 10 anos, cun ano de carencia opcional ao inicio do préstamo, por se durante os primeros doce meses necesitas aprazar o pagamento das túas cotas mensuais ata doce meses.

Tipo de xuro. O Empréstito Novos Investimentos ten un tipo de xuro moi reducido. Ademais, non pagarás nada por comisións de amortización nin cancelación anticipada.

Como solicitalo. Para conseguir este empréstito tan só tes que presentarnos os orzamentos ou as facturas proforma (as versións previas das facturas) das melloras ou adquisicións que queres facer na túa empresa. E unha vez che concedamos o empréstito, deberás entregarnos as facturas reais do investimento que financiaches con el.

Por se se adapta ás túas circunstancias mellor, tamén podes acceder ao programa Novos Investimentos nunha modalidade de leasing, entre 2 e 5 anos.