Sobre Envío de diñeiro

O Hal Cash é o sistema máis rápido e cómodo de enviarlles diñeiro a outras persoas: a parte que tes que pór para a cea dos amigos, os cartos que che emprestou a túa nai… E só debes saber o seu número de móbil para enviarllo.

Podes facer un pagamento en Hal Cash desde banca electrónica, a app de ABANCA do teu móbil, banca telefónica, nun caixeiro automático de ABANCA ou doutras entidades adheridasSerás redirixido a outro sitio web ao programa Hal Cash, e, por suposto, nas nosas oficinas. Só necesitas acceder á túa conta, indicar canto diñeiro queres enviar, e teclear o número de móbil da persoa destinataria.

A persoa á que lle mandes o diñeiro só ten que acudir a un caixeiro dunha entidade adheridaSerás redirixido a outro sitio web ao programa Hal Cash e introducir as dúas chaves que ti lle enviarás para retirar a cantidade. Sen necesidade de tarxeta, nin de ser cliente de ABANCA ou outra entidade da mesma rede.

Moito. Ti enviaraslle ao teu amigo ou amiga unha chave para retirar o diñeiro e nós enviarémoslle outra por unha mensaxe ao móbil que ti nos indicaches Con dous contrasinais asegurámonos de que as chaves non son interceptadas por outras persoas. Ou de que non te trabucaches ao darnos o móbil.

Se queres extremar a seguridade, podes enviarlle a túa chave por outros medios que non sexan mensaxes ao móbil.

Xaora que si! Do mesmo xeito que lle envías cartos a outras persoas, podes mandarchos a ti mesmo/a. E iso que sentido ten? Pois moi doado, porque como con Hal Cash non necesitas tarxeta, podes enviarche diñeiro a ti mesmo directamente desde a túa conta coa app do teu móbil ou coa banca electrónica. Terás dous contrasinais tamén, que serán os que deberás usar no caixeiro para retirar o diñeiro. É moi sinxelo, e xa verás como cando o fagas algunha vez repites.

​Non te preocupes, se finalmente non se retira o diñeiro no caixeiro, devolveráseche á conta de orixe cando se cumpra a data de caducidade seleccionada cando deches de alta a operación. Se non seleccionaches outra data, o prazo máximo é de 10 días

Podes consultar e modificar as túas operacións favoritas podes facelo seleccionando a opción “operar” de calquera das túas contas. 

Posteriormente debes pulsar en ‘ver todos’ para poder utilizar calquera operación. Para eliminala é necesario pulsar en ‘editar’

Se nalgún momento necesitas aumentar o saldo dunha das túas contas, podes facer un envío de diñeiro dende a túa tarxeta de crédito de forma moi sinxela. Ten en conta que pagarás unha comisión, a mesma que se sacas diñeiro dun caixeiro ca túa tarxeta de crédito. É moi fácil:

• Na túa banca electrónica, selecciona a opción ‘Tarxetas’ > ‘Traspaso a conta’. Elixe a tarxeta na que queres realizar o cargo, a conta á que desexas enviar o diñeiro o importe, e listo! 
• Na túa banca móbil, selecciona a pestana ‘Tarxetas’  e preme en 'Operar’ da tarxeta desde a que desexas enviar diñeiro. Posteriormente, seleccionas ‘Enviar diñeiro’ e a conta á que desexas enviar, o importe e o concepto.

Na posición de cada conta móstrase o saldo dispoñible e o saldo bloqueado. O saldo bloqueado corresponde con operacións realizadas e pendentes de cargar en conta como (compras con tarxetas de débito pendentes de liquidar, bloqueo por embargo, ingreso de cheques, …). 

Para ver o detalle dos movementos retidos débese pulsar sobre o despregable

Se queres saber máis, ampliamos esta información no noso blogSerás redirixido a outro sitio web. 
 

Se desexas anular un envío de diñeiro ou unha transferencia a outra persoa realizada pola app ou coa banca electrónica, hai distintas formas de solucionalo segundo o tipo de operación.

• Se é un envío de diñeiro a outro banco (transferencia ordinaria), chámanos canto antes ao servizo de banca telefónica coas túas claves ao 981 179 600 (de luns a venres, de 8 a 22 h). Se a transferencia aínda non saíu do banco, podemos cancelala. Se xa foi enviada, podemos iniciar unha solicitude de devolución ao banco do destinatario.
• Se é un envío de diñeiro a outra conta de ABANCA, cómpre facer unha xestión para que o beneficiario autorice a devolución. Con todo, o máis rápido é que fales directamente coa outra persoa para acordar a devolución do importe.
• Se é un envío de diñeiro inmediato (transferencia inmediata), non se pode cancelar, xa que o diñeiro chega ao instante. Neste caso, deberás contactar directamente co beneficiario e pedirlle que che devolva o importe.

Pola contra, se realizaches a transferencia nunha oficina, acude á mesma sucursal para
xestionar a solicitude.

Se tes unha conta en divisas (libras, dólares, etc,…) poderás realizar un traspaso desde esa conta a outra en euros e viceversa. Tamén podes facer envíos de divisas a contas doutros bancos.

As operacións favoritas están pensadas para gardar aquelas operacións que se realizan habitualmente, de forma que non haxa que teclear todos os datos cada vez que se realiza esa operación. Para gardar unha operación como ‘Operación favorita’, unha vez realizada a operación abonda con que pulses o botón 'Engadir favorito' que aparece na última pantalla, cando se mostra o xustificante da operación. Unha vez gardada a operación favorita poderás utilizala sempre que queiras a través da opción “Operar" de cada unha das contas. Podes eliminar calquera favorito pulsando en ‘Ver todos’ e deslizando o favorito que queiras a eliminar. Iso si: para modificar algún dato é necesario volver realizar a operación e engadila a favoritos novamente.

Se fixeches un envío de diñeiro ordinario a outro cliente de ABANCA, chegaralle sempre o mesmo día. Se o destinatario é unha conta doutra entidade, se fixeches a operación antes das 12.00 h chegaralle ese mesmo día. Se é máis tarde, ao día seguinte hábil.

Aparte, agora con ABANCA podes realizar e recibir envíos de diñeiro inmediatos na SEPA. Se escolles esta modalidade, o diñeiro que envíes chegará ao seu receptor en menos de 20 segundos se a entidade de destino está certificada.

Contámoscho no noso blog Cuentas ClarasSerás redirixido a outro sitio web e abrirase nunha nova ventá.

Seguindo as indicacións do Regulamento UE 2015/847, nos envíos de fondos emitidos a algúns países non pertencentes á Unión Europa, como Reino Unido, Australia ou Canadá, é necesario indicar o domicilio do beneficiario.

Cada país define a información necesaria para os envíos de fondos, esta é a razón de que che solicitemos este datos para executar a transferencia.

Mostrámosche como facer un Bizum de forma clara e sinxela desde a app de ABANCA.

 

1. Selecciona a conta desde onde queres enviar o diñeiro.
2. Preme Enviar diñeiro > Bizum
3. Busca ou introduce o móbil do destinatario, o concepto e mais o importe do Bizum.
4. Preme en enviar diñeiro, e listo! 
    

Ao momento o beneficiario recibirá o importe na súa conta ou lle indicaremos como pode cobralo se non está dado de alta en Bizum.

Se es ti o que recibes o pago chegarache unha notificación ao móbil. Desde ese momento xa terás o diñeiro dispoñible na túa conta.  

Na nova versión da app de banca móbil podes gardar as operacións que realizas de forma máis habitual no apartado 'Os meus favoritos'. Desa forma aforrarás tempo nas túas xestións máis habituais xa que poderás evitar introducir os mesmos datos cada vez que repitas a acción. 

Podes facelo despois de realizar unha operación: abonda con que selecciones a opción 'Engadir favorito' que che mostraremos ao finalizar, na última pantalla, xunto ao resumo da operación realizada. Unha vez gardada, poderás consultala sempre que queiras na parte superior da pantalla, no menú de opcións de cada conta.

Se queres modificar algún dato dunha operación gardada en 'Os meus favoritos' será necesario volver realizar a operación e engadila a favoritos novamente. 

Podes xestionar os pagamentos programados desde a app de ABANCA ou desde
o ordenador. 
Na banca móbil, podes acceder aos teus pagamentos periódicos desde o menú
de Contas > Operar > Pagamentos programados e modificar ou cancelar os que
elixas.
Desde a banca electrónica, pódelo facer desde o menú de Transferencias >
Transferencias periódicas.

Un pagamento programado é un envío de diñeiro que podes programar cunha periodicidade determinada para que se realice de forma automática sen que teñas que facer nada. 

Podes programar un envío de diñeiro como periódico no momento de realizar
calquera envío ou activalo desde Contas > Operar > Pagamentos programados cando elixas. 

Para programar un envío de diñeiro debes:

• Incorporar a conta de destino, o concepto e o importe
• Seleccionar a periodicidade: mensual, diaria, semanal, quincenal,      bimensual, trimestral, semestral ou anual
• Marcar a data de inicio e fin
• Finalizar a operación

Podes consultar, modificar ou anular os envíos periódicos en Contas > Operar > Pagamentos programados.

Na operativa con Bizum os límites son os seguintes:

Para os envíos de diñeiro de móbil a móbil:

• Importe máximo por operación intercambiada: 500 €.
• Importe mínimo por operación intercambiada: 0,50 €.
• Importe máximo recibido por cada usuario ao día: 2000 €.
• Importe máximo enviado por cada usuario ao día: 500 €.
• Número máximo de operacións recibidas por cada usuario ao mes: 60 operacións.
• Número máximo de solicitudes de pagamento realizadas por cada usuario ao mes: 60 operacións.
• Importe máximo para envíos por cada usuario ao mes: 1000 €.

Para as compras en liña:

• Importe máximo por operación: 1500 €.
• Importe máximo diario: 2500 €.
• Importe máximo mensual: 9000 €.

Para as doazóns:

• Importe máximo por operación: 500 €.
• Importe mínimo por operación: 0,50 €.
• Importe máximo enviado por cada usuario ao día: 1000 €.
• Importe máximo para envíos por cada usuario ao mes: 1000 €.

Para os pagamentos en administracións de Loterías e Apostas do Estado:

• Importe máximo por operación: 500 €.
• Importe máximo  por cada usuario ao día: 1000 €.
• Importe máximo por cada usuario ao mes: 1000 €.
• Importe máximo para o cobro: 2.000€.

 

Podes dar de baixa Bizum desde a app móbil, vai ao teu perfil en Menú > Personaliza a túa app > Bizum > Dar de baixa. Por último, confirma a operación.

Tamén podes facelo por teléfono, chamando ao 900 815 522 (ou ao +34 981 910 522 se chamas desde o estranxeiro).

Se precisas enviar diñeiro de maneira inmediata a unha conta doutro banco adherido a este servizo no ámbito SEPA (países da UE, Islandia, Liechtenstein, Noruega, Mónaco, San Marino e Suíza) podes seleccionar o envío de diñeiro inmediato na túa app.

Podes facelo accedendo ao teu perfil na esquina superior esquerda > Seguridade > Envío de diñeiro inmediato, e validándoo coa Chave ABANCA. Porén, antes de activalo debes ter en conta que:

• Non debes realizar nunca esta petición se alguén te chamou por teléfono e te presiona para facela con urxencia. É posible que se trate dun fraude e non poderás retroceder a operación. 
• Ao ser un envío inmediato, a execución será instantánea, o que dificultará a recuperación dos fondos no caso de que te equivoques nalgún dato ou dupliques a petición, etc. 
• Os envíos de diñeiro non inmediatos SEPA teñen un prazo máximo de execución dun día hábil desde a emisión, son moi áxiles.

Por todo isto, recomendámosche que realices envíos de diñeiro ordinarios que, ademais, dispoñen do servizo de solicitude de devolución a través de banca telefónica e coas túas claves, chamando ao 981 179 600. Se a operación non saíu do noso banco, poderémola anular; e se xa chegou ao destinatario, iniciaremos un procedemento interbancario para solicitar a devolución ao beneficiario.

Se precisas realizar un envío inmediato de forma puntual, ten en conta que a activación desta opción afectará a todos os teus envíos futuros. Se non precisas que todas as túas operacións sexan instantáneas, aconsellámoste que, por estes motivos de seguridade, desactives de novo a opción de envíos inmediatos.

Si, podes enviar e recibir diñeiro por Bizum a usuarios de Italia e Portugal, ademais de España e Andorra. Actualmente, Bizum é compatible coas seguintes plataformas:

• Italia: Bancomat 
• Portugal: MB WAY

Proximamente uniranse outros países como Polonia (Blik), Grecia (IRIS) e os países nórdicos (Vipps MobilePay).

É tan sinxelo como os pagos nacionais. Non necesitas actualizar a aplicación nin cambiar a forma de operar. Simplemente, vai á sección de Bizum na app de ABANCA, selecciona Enviar ou Solicitar diñeiro e escolle o destinatario da túa lista de contactos, elixindo previamente a bandeira do seu país, e o importe. Lembra que tamén podes introducir o número de teléfono do destinatario (co seu prefixo internacional). A operación completarase en segundos.

Ademais de enviar e solicitar diñeiro a outros usuarios, con Bizum tamén podes:

• Pagar en comercios en liña. 
• Facer doazóns a ONG 
• Pagar recibos e impostos que non teñas domiciliados 
• Pagar apostas e cobrar premios nas administracións de Loterías e Apostas do Estado

Consulta máis información sobre todo o que podes facer con Bizum na nosa web.

Para que te sintas máis seguro ao enviar cartos a outras persoas ou bancos, dispoñemos dun servizo (dispoñible no ámbito SEPA) que revisa os datos do destinatario. Este servizo compara o nome que escribes cando ordenas a transferencia co nome que está rexistrado no banco da persoa á que lle vas enviar cartos.

Se o nome coincide, a operación segue o seu curso. En caso contrario, avisarémoste cunha das seguintes mensaxes para que poidas revisar a información.

• "Non puidemos verificar o destinatario": Houbo un problema técnico ao facer a comprobación. Recomendámosche que revises ben os datos do destinatario e, se comprobas que todo está correcto, podes optar por seguir adiante.
• "O destinatario non parece correcto": O nome que puxeches non coincide co que figura no banco da outra persoa. É moi importante que contactes co destinatario para confirmar os datos antes de continuar.
• "Revisa o nome do destinatario": O nome que puxeches é moi similar ao que ten o beneficiario, pero non é exacto. Amosarémosche o nome que figura no banco destinatario, para que o revises e, se comprobas que é correcto, o apliques e poidas seguir co envío.

É fundamental que fagas estas comprobacións, pois se autorizas a transferencia, os cartos poderían rematar nunha conta cuxo titular sexa unha persoa diferente á que desexas e perderías o teu dereito á devolución dos cartos.

Lembra que tes á túa disposición o noso servizo de solicitude de devolución, que che axudará nas xestións necesarias para intentar recuperar os cartos nos casos nos que sexa posible (por exemplo, axudarémoste a recuperar os teus cartos, sempre que sexa posible, se te equivocas no importe dunha transferencia ordinaria). Con este servizo non podemos garantirche a recuperación dos cartos, pero si a axuda nas xestións necesarias para tentalo. Se o chegas a necesitar, só tes que chamarnos ao 981 179600 coas túas claves e axudarémoste co proceso.

O servizo de verificación do destinatario realízase seguindo a normativa europea actual en materia de transferencias.

Os envíos de diñeiro inmediatos permítenche realizar envíos de ata 100.000 euros en menos de 20 segundos a calquera país da SEPA. Calquera día e a calquera hora. Para realizalos, só precisarás coñecer o IBAN da conta de destino.

O envío pode facerse como inmediato se o banco de destino admite este tipo de operacións.

Podes modificar o importe máximo dos teus envíos de diñeiro de varias maneiras.

• Desde a app, no teu perfil > Seguridade. Para poder facelo, é necesario ter activada a Chave ABANCA. 
• No servizo de banca telefónica, no que te identificarán coas túas claves, chamando ao 981 179 600. Na chamada tamén empregaremos reforzos de seguridade. 
• Tamén poderás facer o cambio na túa oficina de ABANCA máis próxima.

Por seguridade, recomendámosche manter un límite mínimo para o envío de diñeiro a outras persoas ou bancos. Debes establecer un límite que che permita facer as túas operacións habituais e, só cando necesites realizar unha operación elevada, subir ese límite puntualmente para despois baixalo ao rematar.

Para os envíos inmediatos poderás establecer un límite diferente que nunca poderá superar o límite principal. Neste caso poderás establecer límite diario e por operación. Revisa as nosas recomendacións de seguridade para este tipo de envíos de diñeiro.

Lembra que no teu contrato de banca a distancia se establecen unhas condicións particulares que inclúen uns límites por defecto que nos axudan a mellorar a túa seguridade. Cada vez que modifiques estes límites quedará recollido nas novas condicións do teu contrato.