Tarxetas

Introduce a tarxeta no lector de chip do TPV para que se solicite o tecleo do PIN.

Non é obrigatorio. Unha tarxeta Contactless pode operar tamén con lectura de chip ou mediante a lectura da banda magnética. Ademais, se se utiliza calquera destes dous métodos alternativos, sempre se solicitará o tecleo do PIN.

Existe un número limitado de compras de menos de 50 euros que podes facer cunha tarxeta contactless, é dicir, sen introducir o PIN. Por seguridade, unha vez chegado ese límite, o pagamento darache erro. 

Se che ocorre, simplemente terás que meter a tarxeta pola rañura do terminal e teclear o PIN, desta forma o contador poñerase a cero. 

Todas as tarxetas ABANCA deberán migrar a esta tecnoloxía sen contacto, ou contactless, ao longo do ano 2016, para cumprir cos novos requirimentos operativos. Coa túa tarxeta sen contacto poderás realizar compras e pagamentos simplemente achegando a tarxeta a un terminal válido para operacións sen contacto. Esta nova funcionalidade das tarxetas non ten ningún custo adicional para ti.
 

O pagamento contactless ofréceche:
      
      * Comodidade. Non tes que andar con moedas nin perder o tempo a buscar un caixeiro para facer pagamentos de importes pequenos.
      
      * Rapidez. Pagarás as compras de xeito moito máis rápido e cómodo: só tes que achegar a tarxeta e listo. Só deberás teclear o PIN nas operacións de importe superior a 50€.

      * Seguridade. É un método tan seguro como coa túa tarxeta habitual.                                             
      * Flexibilidade. Válida para importes grandes e pequenos. Ademais tamén podes usala en dispositivos de contacto, como viñeches facendo ata agora.

      * Control: Permitirache levar un seguimento máis detallado de todos os gastos, mesmo dos pagamentos miúdos.

A tarxeta sen contacto de ABANCA permíteche operar en caixeiros e establecementos de todo o mundo, como ata agora.

Podes realizar pagamentos sen contacto en aparcadoiros, kioscos, tendas de roupa, cafeterías... en todos os establecementos onde vexas o símbolo de contactless (sen contacto). Só tes que achegar a tarxeta ao terminal e facer o pagamento. Xa está!

Nos establecementos que non dispoñan deste novo sistema, a túa tarxeta sen contacto de ABANCA igualmente será válida e poderás pagar como ata agora, introducindo a tarxeta no terminal (TPV) e tecleando o PIN. Manterase operativa a banda magnética para que poidas operar tamén nos terminais sen tecnoloxía chip.

Para realizar o pagamento abonda con que achegues a tarxeta a menos de 2 centímetros do terminal durante un par de segundos e xa está. Só se che solicitará o PIN en operacións por riba de 50 €, pero en caso de teres unha operación inferior a ese importe e resulte denegada, inténtao de novo introducindo a tarxeta no terminal e tecleando o PIN. En todas as operacións poderás solicitar copia do ticket de compra, aínda nas que non tecleases o PIN.

Poderás identificar claramente as tarxetas sen contacto de ABANCA polo distintivo de contactless (sen contacto) que aparecerá no anverso da tarxeta, á dereita do chip.

Todas as tarxetas novas que emite ABANCA xa contan coa tecnoloxía contactless. 

Para as tarxetas previas ao 2016, o cambio se realiza de xeito progresivo, de maneira que cando caduque a túa tarxeta actual, a nova que che enviemos xa será contactless. 

Os pagamentos realizados con tarxetas sen contacto están protexidos 100% contra a fraude e son seguros porque seguen realizándose con lectura do chip, aínda que non se introducise a tarxeta. Terás que teclear o PIN nas operacións de máis de 20 €. As tarxetas sen contacto ofrecen o mesmo nivel de seguridade e protección cás tarxetas con chip e PIN.                                                                                                                                                 
 Por seguridade, o sistema sen contacto estará desactivado ata que fagas unha primeira transacción con PIN.                                                                                                                
Ademais esta tecnoloxía ten outra vantaxe e é que, como ao realizar o pagamento non tes que entregar a tarxeta, en ningún momento a perdes de vista.

      Para faceres unha operación sen PIN (inferior a 20 €) sempre é necesario que:

      * O terminal sen contacto estea activo.
      * A persona que te atenda teclease o importe.
      * Manter a tarxeta inmóbil un instante a menos de 2cm de distancia do terminal para proceder á lectura do chip.

O lector do chip  só se activa no momento en que se introduce unha cantidade no terminal, e regresa ao modo de espera tan logo como remata a venda. En modo de espera o lector non pode realizar nunca cobros, así que xamais che cobrarán nada se accidentalmente achegas a tarxeta a un terminal.