Para unha atención directa e especializada, podes pedir cita nas oficinas de ABANCA para solicitar a Tarxeta  Xente Nova.

No portal da Xunta de Galicia tes toda a información sobre a Tarxeta Xente Nova. 

A tarxeta metropolitana permíteche pagar con desconto no transporte público das áreas de Vigo, A Coruña, Santiago, Ferrol e Lugo. Esta tarxeta forma parte do Plan de Transporte Metropolitano da Xunta de Galicia. Podes conseguir a  tarxeta na maioría de oficinas de ABANCA por 2 € e  recargala nos nosos caixeiros e oficinas.

O proceso de recarga é moi sinxelo. Se o caixeiro no que vas realizar a operación admite ingresos, tan só tes que introducir a tarxeta, seleccionar a cantidade e introducir os cartos en efectivo. Se non tivese esa opción, deberías meter a túa tarxeta de débito (en caso de que fose de crédito ou doutra entidade levaría unha comisión), seleccionar “Operacións moedeiro”, inserir a tarxeta de transporte e escoller a cantidade. Ten en conta que a cantidade mínima de recarga son 5 € e a máxima 180 € se realizas a recarga dende unha tarxeta ou 60 € se o fas con efectivo.

Tamén podes recargalas desde a túa Banca Electrónica na opción Tarxetas > Tarxetas Moedeiro; ou na Banca Móbil en Contas e Depósitos > Máis > Recarga tarxeta moedeiro. 

Podes prestarlle a túa tarxeta metropolitana a quen queiras, a túa parella, a un amigo ou a un parente. E se ides 2 podedes pagar os billetes coa mesma tarxeta tamén.