Tarxetas

Existe un número limitado de compras de menos de 50 euros que podes facer cunha tarxeta contactless, é dicir, sen introducir o PIN. Por seguridade, unha vez chegado ese límite, o pagamento darache erro. 

Se che ocorre, simplemente terás que meter a tarxeta pola rañura do terminal e teclear o PIN, desta forma o contador poñerase a cero. 

Só necesitas ter entre 12 e 34 anos. Se es menor de idade, necesitarás acudir a unha oficina ABANCA canda a túa nai, teu pai, ou quen exerza a túa titoría legal para formalizardes o contrato.

Podes retirar diñeiro gratis coa túa tarxeta de débito ABANCA en todos os nosos caixeirosAbrirase nunha nova ventá..

Grazas a un acordo entre as entidades que formamos parte da rede EURO 6000 e das principais entidades do sistema financeiro español (Banco Sabadell, Bankinter, Caja de Arquitectos, Caja Ingenieros e Euro Automatic Cash), como cliente de ABANCA poderás obter diñeiro en máis de 18.000 caixeiros de EspañaSerás redirixido a outro sitio web e abrirase nunha nova ventá. Neles poderás retirar cartos ata 5 veces ao mes totalmente gratis, se te atopas fóra de Galicia e a partir da sexta retirada cun custo de 0,50 € na rede Euro 6000, 0,55 € en Bankinter e Caja Ingenieros, 0,60€ en Caja de Arquitectos, e 0,65 € en Banco Sabadell e Euro Automatic Cash. No resto de caixeiros cobraráseche a comisión que che aplique a entidade propietaria.

Nos caixeiros nacionais, a entidade propietaria do caixeiro informaráche do importe da comisión que aplique antes de realizares a operación, mediante unha mensaxe na pantalla do caixeiro, para que poidas confirmala ou anulala.

Ademais, se estás no nivel premium do noso Programa Servizos ABANCA poderás retirar diñeiro gratis sen pagar ningún tipo de comisión (nin un só céntimo), en calquera dos máis de 18.000 caixeiros adheridos ao acordo entre rede EURO 6000, Banco Sabadell, Bankinter, Caja de Arquitectos, Caja Ingenieros e Euro Automatic Cash fóra de Galicia, así como en todos os caixeiros fóra de España.

Se tes menos de 35 anos e te beneficias das vantaxes da nosa tarxeta Tú NXAbrirase nunha nova ventá., ABANCA non che cobrará nada por retirar cartos no estranxeiro ata cinco veces ao mes, nin sequera a comisión por troco de divisa.

Non, ningunha. A tarxeta Tú NX tampouco che aplica comisión de cambio polos reintegros nos caixeiros en moedas distintas ao euro. ¡Todo son vantaxes!

Cando fas unha compra coa túa tarxeta ou sacas diñeiro nun caixeiro nunha moeda distinta ao euro, faise unha conversión do valor da moeda da operación a euros.
A conversión será a que determine a marca da túa tarxeta, Visa ou Mastercard, o día que se liquide a operación entre a entidade do terminal e ABANCA. Ese día pode ser distinto do día en que ti fagas a operación, isto dependerá do país, o comercio, o seu banco… e non se pode saber con antelación.

Para que teñas unha visión aproximada desta conversión, preparamos unha calculadora de divisasSerás redirixido a outro sitio web para coñecer o tipo de cambio que se aplica nunha data determinada cando pagas coa túa tarxeta ABANCA nunha moeda estranxeira. A nosa calculadora tamén che indicará a diferenza porcentual entre o tipo que che damos nós e o establecido polo Banco Central Europeo (BCE) para esa data e moeda. Nalgúns casos non poderemos facilitarche esta última información, xa que o BCE non facilita a conversión para todas as moedas. Ademais, é posible que a túa tarxeta, tal e como se indica no contrato, teña unha comisión por cambio de divisa. Se é o teu caso, esta calculadora tamén cha mostrará.

Ten en conta que algúns terminais de países con outra moeda pódenche ofrecer realizar a operación directamente en euros. Nese caso, o tipo de cambio establéceo directamente ese terminal sen intervención nin responsabilidade de ABANCA. O terminal debería informarche do tipo de cambio que che aplicará. Estas operacións tramitaranse directamente en euros, polo que en ningún caso aplicarase a comisión de cambio de divisa que poida ter establecida a túa tarxeta, pero debes ter en conta que o tipo de cambio pode non ser tan vantaxoso como o que che aplicaría ABANCA.

Por razóns de seguridade, todas as túas tarxetas traen establecida unha cantidade máxima de diñeiro que podes gastar ou retirar nun caixeiro nunha soa operación, é o que se coñece como límite de gasto dunha tarxeta. Se realizas algunha compra ou sacas efectivo que exceda ese límite, a operación sería denegada.

Coa app de ABANCA, podes modificar os límites de gasto de cada unha das túas tarxetas para compras por internet, en establecementos físicos e para retiradas en caixeiros. Por exemplo, se realizas poucas compras online, podes reducir o límite de gasto para compras por internet e estarás máis protexido no caso de que che rouben a tarxeta.