Xa podes acceder á nova banca electrónica de ABANCA que desenvolvemos nos últimos meses pensando nas túas necesidades, no teu día a día. Este servizo máis áxil e sinxelo, e que aínda está en desenvolvemento, dispón de todas as operacións e funcionalidades que utilizas na túa banca electrónica actual.

Desde agora podes acceder á nova versión da banca electrónica mellorada ou, se o prefires, á banca electrónica de sempre que xa coñeces. Nas dúas terás toda a información das contas do teu negocio e toda a documentación.

Nos próximos meses desaparecerá a banca electrónica de empresas que actualmente utilizas, por iso queremos convidarte a utilizar a nova banca electrónica como a túa banca electrónica habitual en online.abanca.com. e familiarizarte con este novo servizo que incorpora melloras que facilitarán a túa operativa diaria.

Que podo realizar nesta nova versión de banca electrónica?

Nesta nova versión actualizamos a tecnoloxía aplicada á nosa banca electrónica de empresa, permitirache gozar de melloras na navegación e na xestión das túas operacións habituais de contas e tarxetas.

A nova banca electrónica é máis fácil de usar, o seu deseño está pensado para que poidas personalizar o nome dos teus produtos como contas e tarxetas así como a súa cor para que che sexa máis sinxelo identificalos.

Como che comentabamos, traballamos cada día para mellorar o servizo que ofrecemos. Utiliza a nova banca electrónica para as túas operacións habituais:

  • Consultar a posición e todos os detalles das túas contas, contas de crédito, tarxetas, préstamos, domiciliacións…
  • Xestionar os teus envíos de diñeiro. Poderás consultar e reutilizar as operacións realizadas desde cada unha das túas contas
  • Enviar diñeiro a contas de calquera país. Poderás facer envíos periódicos, en divisas distintas e programalos para cando ti queiras ou para que se executen cando teñas saldo na conta
  • Dar de alta aos teus beneficiarios frecuentes para telos a man sen necesidade de teclear os seus datos cada vez que necesites realizar unha operación
  • Pagar impostos
  • Enviar, consultar e descargar ficheiros de cobranzas e pagos
  • Asinar operacións pendentes desde o buzón de firmas

Tamén poderás acceder a este servizo a través dos teus dispositivos táctiles como tablet, aínda que se te queres conectar desde o móbil a nosa recomendación é que o fagas desde a túa app de banca móbil empresas ou desde o teu app de banca móbil para particulares. Se aínda non a tes descargada, contámosche todas as vantaxes!

Cal é o meu usuario de banca electrónica?

Para acceder á túa nova versión de banca electrónica debes introducir o mesmo usuario que utilizas habitualmente para identificarte na túa banca electrónica de empresas.

O teu usuario, por defecto,é o teu NIF con letra (Ex.01222333A). Se tes un usuario personalizado será ese o que introduzas para acceder.

Olvidaches o teu PIN?

No caso de que teñas bloqueado o teu usuario de banca electrónica de empresas, podes solicitar o desbloqueo no 981 910 522 ou nunha das nosas oficinas.

Se te equivocaches tres veces coa clave e bloqueas o acceso, podes desbloquealo desde a túa banca móbil ou banca electrónica se dispós dunha tarxeta financeira, chamarnos ao 981 910 522 ou acude a calquera das nosas oficinas.

Canto tarda en chegar unha transferencia que fixen desde a miña banca electrónica de empresas?

Se realizaches o envío entre contas propias, sexa na divisa que sexa, chegará de forma inmediata e aplicarase data valor o día da execución.

No caso das transferencias ordinarias en euros con conta destino en Europa (SEPA) se fixeches a operación antes das 12:00h chegará ese mesmo día. Se é máis tarde, ao día seguinte hábil.

Se seleccionas a opción de transferencias inmediatas o diñeiro abonarase na conta destino en menos de 20 segundos. Esta opción é válida todos os días da semana sexa a hora que sexa (só para envíos menores a 15.000€ e cuxo destinatario sexa unha conta de Europa).

As transferencias en divisas deben realizarse en horario de 08:30 a 17:00h en días hábiles. A súa data valor será dous días hábiles desde a súa execución. Cando o día de execución non sexa hábil en España executaranse ao día seguinte hábil.

As transferencias diferidas ou periódicas execútanse todos os días hábiles ás 18:00h. Se coincide en día non hábil, realizarase o día hábil anterior.

A data valor das operacións varía dependendo da divisa na que realices a transferencia:

  • Ás realizadas en euros (OMF) aplícaselles data valor no día de execución.
  • En dólares americanos (USD) se se executan antes das 13:00h teñen data valor no día (sempre que o contravalor sexa inferior a 200.000€). Se se realizan despois, aplícase a data valor do seguinte día hábil.
  • En dólares canadenses (CAD), libra esterlina (GBP), francos suízos (CHF) e pesos mexicanos (MXN) se se executan antes das 11.30h teñen data valor no día (sempre que o contravalor sexa inferior a 200.000€). Se se realizan despois aplícase a data valor do seguinte día hábil.
  • Para o resto de divisas as transferencias urxentes sempre teñen data valor do seguinte día hábil.

Por que hai opcións que non están dispoñibles?

Esta nova versión de banca electrónica aínda está en desenvolvemento polo que algunhas opcións non están dispoñibles. Durante os próximos meses iremos incorporando progresivamente novas funcionalidades ata completar o servizo.

Mentres que esta nova versión non estea completa, podes acceder á túa banca electrónica de sempre para realizar as operacións e consultas que aínda non están dispoñibles nesta versión.

Sabes o que é un envío periódico?

Un envío periódico é un envío de diñeiro a outra conta bancaria cunha periodicidade determinada e que se realiza de forma automática. Para dar de alta un envío periódico tan só tes que realizar a túa primeira transferencia, definir o importe, cada canto tempo queres que se repita e incluír ata cando queres que se realice a operación.