A túa VISA Clásica

ten un custo anual de 39 € por tarxeta titular e 22 € por tarxeta da persoa beneficiaria.

Cando retires diñeiro coa VISA Clásica, tanto en caixeiros como en oficinas, cobraráseche unha comisión con disposición a crédito do 4% do importe retirado, cun mínimo de 4 €. Ao realizares as retiradas de efectivo noutras entidades, nacionais e internacionais, cobraráseche ademais a comisión por disposición de efectivo que che aplique a entidade propietaria do caixeiro.

Nos caixeiros nacionais, a entidade propietaria do caixeiro informarache do importe da comisión que che aplique mediante unha mensaxe na pantalla do caixeiro, para que poidas confirmar a operación ou anulala.

Nas compras e retiradas en efectivo que pagues coa tarxeta nunha moeda distintas do euro aplicaráseche unha comisión de troco do 3% do importe total da operación.

Poñémoscho fácil: solicita a VISA Clip agora e chamarémoste dende a oficina que ti escollas para acordar a contratación.

A túa VISA Ouro ten un custo anual de 64 € por tarxeta titular e 34 € por tarxeta de beneficiario.

Cando retires diñeiro coa VISA Ouro, tanto en caixeiros como en oficinas, cobraráseche unha comisión con disposición a crédito do 4% do importe retirado, cun mínimo de 4 €. Ao realizares as retiradas de efectivo noutras entidades, nacionais e internacionais, cobraranche ademais a comisión por disposición de efectivo que che aplique a entidade propietaria do caixeiro.

Nos caixeiros nacionais, a entidade propietaria do caixeiro informarache do importe da comisión que che aplique mediante unha mensaxe na pantalla do caixeiro, para que poidas confirmar a operación ou anulala.

Nas compras e retiradas en efectivo que fagas coa tarxeta nunha moeda distintas do euro aplicaráseche unha comisión de troco do 3% do importe total da operación.

A Telepeaxe VIA-T é un dispositivo electrónico que se coloca no parabrisas do vehículo e que permite o paso automático en autoestradas de peaxe sen necesidade de deterse na zona de pagamento

Si! O servizo VIA T de ABANCA permíteche pagar ademais de en todas as peaxes do territorio español, nas autoestradas portuguesas. Ademais, cada vez é máis frecuente que poidas utilizalo mesmo en parkings, sen que teñas que preocuparche por tickets, buscar a cabina de cobro... Para contratalo, é necesario dispoñer dunha conta ABANCA á que asociar os cobros do dispositivo, nada máis. Podes solicitalo desde a web e seleccionar a oficina na que queres recollelo. Normalmente, nun ou dous días poderíalo ter xa no teu poder. E lembra que podes consultar as operacións realizadas coa túa VIA T na sección cartóns da túa banca electrónica ou móbil.

O período de liquidación das tarxetas de crédito de ABANCA é do día 20 ao 19 do mes seguinte. O cargo en conta realizarase o último día do mes.

Antes de caduque a túa tarxeta habémosche enviar unha nova ao teu domicilio ou á túa oficina, segundo a preferencia seleccionada. No caso de envío a oficina, recibirás unha comunicación indicándoche cando podes pasar a recollela.

Os tarxetas de débito permiten realizar retiradas en caixeiros automáticos e compras en comercios, realizándose o cago directamente na túa conta.
A tarxeta de crédito permite realizar operacións en caixeiros automáticos e compras en comercios, diferindo o pago das mesmas. Segundo o tipo de tarxeta de crédito que escollas, podes elixir a forma de pago que máis se adapte ás túas necesidades.
Consulta a tarxeta que máis se adapte ás túas necesidades aquí. 

Ao pagar coa tua tarxeta terás descontos e promocións, facilidades para pagar cando prefiras, control total sobre as túas cotas e, por suposto, a máxima seguridade cando compres na internet con múltiples opcións de protección. Descobre todo o que che ofrecen realmente as tarxetas ABANCA! 

Podes utilizar a túa Tarxeta Comercio nos establecementos que dispoñan dun TPV de ABANCA. Podes consultar aquí os establecementos con TPV de ABANCA.

Coa Tarxeta Prepago gastarás só o que previamente ingresases. Antes de utilizar a túa Tareta Prepago en comercios e caixeiros é necesario cargar a tarxeta con diñeiro mediante a súa Banca a Distancia ou en calquera das oficinas de ABANCA.

Podes ingresar ata 40 billetes nunha mesma operación (non se admiten moedas). Ademais, nos novos caixeiros de ABANCA o importe estará dispoñible ao instante.  Nalgúns caixeiros automáticos pode non estár dispoñible o importe ao instante.

Se es cliente de Banca a Distancia podes xestionar a anulación chamando ao 902 12 13 14 (ou ao +34 981 910 522 se chamas desde o extranxeiro). Revisaremos os movementos e iniciaremos unha reclamación polas operacións que correspondan.Tamén podes xestionar a reclamación a través de calquera das  oficinas ABANCA.

Para recargar a túa tarxeta moedeiro de transporte podes acudir a calquera dos nosos caixeiros automáticos. Tamén podes recargala desde a túa Banca Electrónica na opción "Tarxetas-Tarxetas Moedeiro" ou desde a Banca Móbil. Lembra que se realizas recargas desde a Banca Electrónica ou Móbil, terás que introducir posteriormente a tarxeta nun caixeiro para que a recarga sexa efectiva.

Comproba as gasolineiras Galp adheridas á promoción aquí

Pola túa seguridade, todas as tarxetas veñen cun límite máximo para dispoñeres de efectivos nos caixeiros. Se che cómpre mudalo, podes facelo dende a banca electrónica. Se o queres facer desde o ordenador, accede a “Tarxetas” e despois selecciona “Límite caixeiros”. Se prefires facelo dende a app móbil, accede a “Tarxetas”, “Máis operacións” e finalmente “Límite caixeiros”.

Coa túa tarxeta ABANCA dispós dun gran número de descontos en milleiros de establecementos de toda España, ademais de participares en promocións e sorteos. Nos nosos perfís de redes sociais podes atopar as máis destacadas e na web da Red Euro 6000 toda a información completa. Se non queres perder nin unha das moitas novidades e promocións podes suscribirte á newsletter de Privilexios Euro 6000. É moi sinxelo: só tes que darte de alta no apartado “Tarxetas” da banca electrónica. Non agardes máis!

Podes dispoñer de efectivo de forma gratuíta en toda a rede de caixeiros de ABANCA. Se queres dispoñer de diñeiro noutros caixeiros podes facelo nos da rede Euro 6000 cun custo de 0,45 € por operación e nos de Bankia e Sabadell a 0,65 € cada retirada. No resto de entidades a taxa que se aplica varía en función do propietario do caixeiro.

Deberás dirixirche á oficina de ABANCA que prefiras, aínda que para axilizar o trámite recomendámosche que acudas á mesma que che concedeu a tarxeta.

O período de liquidación e data de cargo na túa conta da tua tarxeta está reflectido no propio contrato da mesma e nos extractos que che enviamos cada mes. Os períodos de liquidación máis habituais das tarxetas de crédito ABANCA son os seguintes:

• Tarxeta de crédito Visa e MasterCard: liquídanse do día 20 dun mes, ao día 19 do mes seguinte, cargándose o último día deste mes. Algúns cartóns teñen períodos de liquidación diferentes polo que che recomendamos que revises o contrato ou o extracto do teu cartón.
   
• Tarxeta Comercio: liquídase do primeiro  ao último día de cada mes, cargándose o día 5 do mes seguinte.
   

Para utilizar a operativa APRAZOS tes que seleccionar o centro ABANCA, elixir “Venda a prazos”, teclear o importe da operación e logo o número de prazos. A continuación, pasas, insires ou achegas a tarxeta ou dispositivo e tecleas o PIN.

Podes consultar no manual específico do teu terminal os pasos concretos a seguir para tramitar unha operación de venda a prazos.

 ABANCA facilítache un periodo de 3 meses para poder cumprir coa parte proporcional das 24 compras nos 12 meses anteriores ao cobro do Programa Cero Comisións (6 compras en 3 meses) e poder así bonificar a cota de emisión da tarxeta, tanto se é de débito, como se é de crédito.